فوتو: قر تجم
ۇستالعان ازاماتتار تاۋ-كەن جانە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزعانى ءۇشىن قىلمىستىق ىسكە تارتىلدى. قازىرگى ۋاقىتتا كاسىپورىننىڭ التى قىزمەتكەرى ۋاقىتشا ۇستاۋ يزولياتورىندا وتىر.
«پاۆلودار وبلىسىنىڭ پوليتسياسى تاۋ-كەن جانە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ دەرەگى بويىنشا قىلمىستىق ءىستى تەرگەۋ اياسىندا «مايقايىڭالتىن» اق-نىڭ التى جاۋاپتى قىزمەتكەرى ۇستالىپ, پاۆلودار پب ۋۇي-عا قاماۋعا الىندى», دەپ ءتۇسىندىردى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
تەرگەۋ امالدارى جالعاسىپ جاتىر.
ەسكە سالا كەتەيىك, وسى جىلدىڭ 4 قاڭتارىنا قاراعان ءتۇنى ساعات 01:25 شاماسىندا پاۆلودار وبلىسىنىڭ باياناۋىل اۋدانىندا «مايقايىڭالتىن» اق اۋماعىندا 4 جولاۋشىسى بار اۆتوبۋس ويىققا قۇلاپ كەتكەن ەدى. اپات كەزىندە اۆتوبۋستا 4 ادام بولعان.
