فوتو: اتىراۋ وبلىسىنىڭ اكىمدىگى
ايتا كەتەيىك, اتىراۋ وبلىسىندا 1 367 مۇمكىندىگى شەكتەۋلى جان سپورتپەن شۇعىلدانادى. ونىڭ ىشىندە 16 پارا-سپورتشى پاريجدە وتكەن پاراليمپيادا ويىندارىندا پارادزيۋدو, پاراتاەكۆوندو, وتىرۋ ۆولەيبول, پارا-ۇستەل تەننيسى جانە پارا-جەڭىل اتلەتيكا بويىنشا باق سىناعان ەدى.
ۇزدىك بەستىك قاتارىنان پاراتاەكۆوندودان نۇرلان دومباەۆ پەن پاراجەڭىل اتلەتيكادان گۇلباقىت قايىرجانوۆا كورىندى. ال ۆولەيبولدى وتىرىپ ويناۋدان ۇلتتىق قۇرامانىڭ ساپىنا اتىراۋلىق قۋانىش تاجىكوۆ, باۋىرجان سارتاەۆ, پەردەباي نامۇراتوۆ, اقىلبەك شىكىباەۆ, بەرىك ىزماعانبەتوۆ, جانعالي سۇيەۋوۆ, نۇرتاۋ مۇقانبەتقاليەۆ پەن ەرلان بيتەمىروۆ كىردى. ولار كوماندامەن بىرگە بەسىنشى ورىندى ەنشىلەدى.
پارادزيۋدودان باق سىناعان 5 پارادزيۋدوشىنىڭ ەكەۋى, اتاپ ايتساق زارينا رايفوۆا مەن جۇرقامىرزا شۇكىربەكوۆ پاراليمپيادانىڭ قولا جۇلدەسىن ۇتىپ العان.
سەرىك شاپكەنوۆ وبلىس سپورتىنىڭ دامۋىنا قوسقان ۇلەسى ءۇشىن سپورتشىلارعا العىس حاتتار مەن اقشالاي سەرتيفيكاتتاردى تابىستاعان.
«سىزدەر پاريج پاراليمپياداسىنداعى جەتىستىكتەرىڭىزبەن جاستارعا ۇلگى كورسەتتىڭىزدەر. اتىراۋ جۇرتشىلىعى دا ەل نامىسى جولىندا ايانباي تەر توگىپ, بيىك ماقساتقا كوز تىككەن وزدەرىڭىزدى ماقتان تۇتادى. الدا الار اسۋ بيىك بولىپ, جۇلدەلەرىڭىز كوبەيسىن», دەدى وبلىس اكىمى سەرىك شاپكەنوۆ.
«Infinity Eco Park» كومپانياسى پاراليمپيادا ويىندارىنىڭ قولا جۇلدەگەرلەرى زارينا رايفوۆا, جۇرقامىرزا شۇكىربەكوۆ جانە ولاردىڭ باپكەرى جاندوس قيانوۆقا Zeekr ماركالى اۆتوكولىكتەردىڭ كىلتتەرىن تابىستادى.
