سينوپتيكتەر اتاپ وتكەندەي, ەلىمىزدىڭ شىعىسىندا, وڭتۇستىگىندە, وڭتۇستىك-شىعىسىندا جىلجىعان فرونتالدى بولىكتەردىڭ اسەرىنەن نايزاعاي ويناپ, جاڭبىر جاۋادى,ەلدىڭ سولتۇستىگىندە, شىعىسىندا, وڭتۇستىك-شىعىستىڭ تاۋلى ايماقتارىندا تۇندە جانە تاڭەرتەڭ تۇمان بولادى دەپ كۇتىلەدى. رەسپۋبليكا بويىنشا سيپات بەرەتىن ورتاق تابيعي قۇبىلىس - جەلدىڭ ەكپىن الۋى.
- شىعىس قازاقستان وبلىسىندا, پاۆلودار وبلىسىندا, سولتۇستىك قازاقستان وبلىسىنىڭ شىعىسىندا, سولتۇستىگىندە, قاراعاندى وڭىرىندە, اباي وبلىسىنىڭ باتىسىندا, شىعىسىندا, ورتالىعىندا, قوستاناي ءوڭىرىنىڭ سولتۇستىك-شىعىسىندا, اقمولا وبلىسىنىڭ سولتۇستىگىندە, شىعىسىندا, جەتىسۋ وبلىسىنىڭ تاۋلى اۋداندارىندا سىناپ باعانى -1-دەن -6 گرادۋسقا دەيىن تومەندەپ, كۇن سۋىتادى, ۇسىك جۇرەدى, - دەلىنگەن بولجامدا.
اقتوبە, ۇلىتاۋ وبلىستارىندا, جەتىسۋ ءوڭىرىنىڭ باتىسىندا, بقو-نىڭ سولتۇستىك-شىعىسىندا, قىزىلوردا ءوڭىرىنىڭ سولتۇستىك-شىعىسىندا, سولتۇستىك-باتىسىندا, جامبىل وبلىسىنىڭ وڭتۇستىك-باتىسىندا, وڭتۇستىك-شىعىسىندا, قاراعاندى ءوڭىرىنىڭ باتىسىندا, ورتالىعىندا, شقو-نىڭ باتىسىندا, وڭتۇستىگىندە, ورتالىعىندا, قوستاناي وبلىسىنىڭ وڭتۇستىگىنە ءورت قاۋپى جوعارى بولادى.
قىزىلوردا, تۇركىستان, جامبىل, اتىراۋ, ماڭعىستاۋ, باتىس قازاقستان وبلىستارىندا, قاراعاندى ءوڭىرىنىڭ باتىسىندا, شىعىسىندا, ۇلىتاۋ وبلىسىنىڭ سولتۇستىگىندە, وڭتۇستىگىندە, اباي وبلىسىنىڭ وڭتۇستىگىندە, جەتىسۋ ءوڭىرىنىڭ سولتۇستىگىندە, ورتالىعىندا, اقتوبە وبلىسىنىڭ وڭتۇستىگىندە, الماتى وبلىسىنىڭ سولتۇستىگىندە, باتىسىندا توتەنشە ءورت قاۋپى ساقتالادى.
