فوتو Polisia.kz
ەسىرتكىمەن كۇرەسۋشى ساقشىلار ۇلتتىق ۇلاننىڭ “بۇركىت” ارنايى بولىنىسىمەن بىرلەسىپ, شالعاي اۋدانداردى جاياۋ پاترۋلدەۋگە شىعادى. وسىنداي تەكسەرۋلەردىڭ بىرىندە پوليتسەيلەر شۋ قالاسىنىڭ تۇرعىنىنان 190 كگ قاراسورا تاركىلەدى.
«ساراپتاما تاركىلەنگەن وسىمدىكتىڭ قاراسورا ەكەنىن كورسەتتى. ونىڭ جالپى سالماعى 188 كەلىدەن اسقان. كۇدىكتى ۋاقىتشا ۇستاۋ يزولياتورىنا قامالدى. قىلمىستىق كودەكستىڭ 296-بابى 4-بولىگى بويىنشا قىلمىستىق ءىس قوزعالدى. جەتى جىلعا دەيىن باس بوستاندىعىنان ايىرۋ جازاسى قاراستىرىلادى», دەدى ۆەدوموستۆودا.
ايتا كەتەيىك, «قاراسورا – 2024» ارنايى وپەراتسياسى كەزىندە پوليتسەيلەر بارلىعى 597 ەسىرتكى قىلمىسىنىڭ جولىن كەستى. زاڭسىز اينالىمنان 16 توننادان استام ەسىرتكى تاركىلەنگەن, ونىڭ ىشىندە 13 توننا كەپتىرىلگەن ماريحۋانا, 3,6 توننا پرەكۋرسور, 83 كگ سينتەتيكا, 48 كگ گاشيش, 20 مىڭعا جۋىق قاراسورا بۇتالارى, 76 اپيىن كوكنار بۇتالارى بار.
