فوتو Dalanews
بيىل جەتىسۋدا 13,7 مىڭ گەكتارعا قانت قىزىلشاسى ەگىلگەن. 615 مىڭ توننا ءتاتتى تۇبىردەن 67 مىڭ توننا قىزىلشا قانتى جانە 30 مىڭ توننا قۇرعاق قانت وندىرىلەدى دەپ جوسپارلانىپ وتىر.
«جەتىسۋ وبلىسى بويىنشا قىزىلشا وسىرەتىن 597 شارۋا قوجالىعىنىڭ 193-ءى اقسۋ, سارقان, الاكول اۋداندارىندا ورنالاسقان. وسى ءۇش اۋداننان جەتكىزىلەتىن ونىمنەن اقسۋ قانت زاۋىتى 40 مىڭ توننا قانت وندىرەدى. ال, قىزىلشانى نەگىزىنەن ەسكەلدى, قاراتال, كەربۇلاق اۋداندارى مەن تالدىقورعان قالاسىنان الدىراتىن كوكسۋ قانت زاۋىتىنىڭ جوسپارى 57 مىڭ توننا», دەلىنگەن حابارلامادا.
وبلىستىق اۋىلشارۋاشىلىعى باسقارماسىنىڭ ايتۋىنشا قىزىلشانى ساتىپ الۋ باعاسى مەملەكەتتەن 25 مىڭ تەڭگە, قانت زاۋىتىنان 15 مىڭ تەڭگە, ياعني تونناسىنا 40 مىڭ تەڭگە تولەنەدى.
