اگرارشى تۇلەكتەردىڭ شەرۋى

قازاق ۇلتتىق اگرارلىق ۋنيۆەرسيتەتىنىڭ 80 جىلدىعىنا ارنالدى ءسوزىمىزدى ارىدەن باستاساق, قازۇاۋ – قازاقستانداعى بايىرعى الماتى زووتەحنيكالىق-مالدارىگەر­لىك جانە قازاق اۋىل شارۋاشىلىعى ينستيتۋتتارىنىڭ بىرىگۋى نەگىزىندە 1996 جىلى قۇرىلىپ, 2001 جىلى ەلباسىنىڭ جارلىعىمەن ۇلتتىق جوعارى وقۋ ورنى مارتەبەسىنە يە بولعان ەلىمىزدىڭ وسى سالاداعى كوش­باسشى ءبىلىم ورداسى. قازىر ۋنيۆەر­سي­تەتتە 7 فاكۋلتەت, 39 كافەدرا بار. بۇگىندە ءبىلىم ورداسىندا ءبىر جارىم مىڭ ۇستاز ءدارىس وقيدى. ونىڭ ءىشىن­دە 700-گە جۋىعى عىلىم دوكتورى مەن كانديداتتار. ۋنيۆەر­سيتەتتە 4 عىلىمي-زەرتتەۋ ينستي­تۋتى, 3 عىلى­مي ورتالىق بار. باكا­لاۆر, ماگيستر, اسپيرانت, Phd دوكتورلىعىنا ما­مان­دىقتار دايار­لايدى. وقۋ ورنى ءوزىنىڭ تاريحىندا 135 مىڭنان استام مامان دايارلاپ, ولار رەسپۋبليكادا اگرارلىق ءوندى­رىس­تىڭ, ءبىلىم مەن عىلىمنىڭ دامۋى­نا لايىقتى ۇلەس قوستى. بۇگىندە ول حالىقارالىق ءبىلىم ستاندارتتارىنا ساي يننوۆا­تسيا­لىق وقۋ ورنىنا اينالىپ وتىر. ۋنيۆەرسيتەتتىڭ قول جەتكىزگەن جەتىس­تىگى از ەمەس. ماسە­لەن, وسىدان 55 جىل بۇرىن تۇلەپ ۇشقان تۇلەكتەر بار بىلىكتىلىگىن اگرارلىق سالاعا ارناپ, حالىقارا­لىق كەلىسىمدە عىلىمي تۇجىرىم­دامالاردى دالەل­دەدى. ناتيجەسىندە, وتاندىق عالىم­دار ءداندى داقىلدار­دىڭ 140 ءتۇرىن شىعارعان. قازىر سول تۇقىمدى الەم­نىڭ 10-عا تارتا مەم­لە­­كەتى ەگىستىك القاپتاردا پايداعا اسىرۋدا. – ۋنيۆەرسيتەت جىل سايىن اگرو­ونەركاسىپ سالاسىندا بىلىكتى ماماندار دايارلاپ, ەلىمىزگە جاڭا­لىق رەتىندە ەنىپ جاتقان اگرارلىق قاتى­ناس­تاردى قالىپتاستىرۋدىڭ كەشەندى ماسەلەلەرىن تۇبەگەيلى شەشۋ مىندەتىمەن اينالىسىپ كەلەدى. ۋني­ۆەرسيتەتىمىز الەمنىڭ كوپتەگەن جە­تەك­شى وقۋ ورىندارى­مەن تىعىز قارىم-قاتىناس ورنات­قان. ماسەلەن, “ERASMUS MUNDUS” باعدارلا­ما­­سى بويىن­شا ەۋروپانىڭ 7, “TEMPUS” باعدارلاماسىمەن 6 جانە ت.ب. 53 مەملەكەتپەن حالىق­ارالىق بايلا­نىس­تارى بار, – دەي كەلە, قازۇاۋ-دىڭ رەكتورى, قر ۇعا اكادەميگى تىلەكتەس ەسپولوۆ سالتا­نات­تى جيىنعا قاتىسۋشىلاردى مەرەيتوي­مەن قۇتتىقتاپ, ەڭبەكتەرى­نە تابىس تىلەدى. وقۋ ورنى وزدەرىنىڭ تانىمال تۇلەكتەرى رەتىندە اۋىل شارۋاشى­لىعى ءمينيسترى ا.كۇرىشباەۆ, قار­جى ءمينيسترى ب.جامىشەۆ, پارلا­مەنت دەپۋتاتتارى ءو.بايگەلدي, ج.تورەگەلديەۆ, ە.وماروۆ, ق.ءۋالي, ۋ.ەلەۋباەۆ, قالا اكىمى ا.ەسىموۆ, وبلىس اكىمدەرى س.ۇمبەتوۆ, ا.مىر­زاحمەتوۆ, قوعام جانە مەملەكەت قايراتكەرلەرى ك.اۋحاديەۆ, س.تەرە­ششەنكو, ا.ق ۇلىباەۆ, ت.ب. ماق­تا­نىش­­پەن اتايدى. – ءبىزدىڭ ءبىتىرۋشى تۇلەكتەر اراسىنان 7 اكادەميك, 20-دان استام عىلىم دوكتورى, 20-عا جۋىق عىلىم كانديداتى شىقتى, – دەيدى قر ۇعا اكادەميگى راحمان ورازعاليەۆ. – اتاپ ايتساق, اكادەميكتەر سۇلەيمەنوۆ, دۇيسەنبەكوۆ, ءىلياسوۆ, ت.ب. ولاردىڭ ارقايسىسىنىڭ اگرارلىق عىلىمدا ءوز ورنى بار عالىمدار جانە كوپتەگەن شاكىرتتەر دايىنداعان ايتۋلى ازاماتتار. الدىمەن باس عيماراتتا باس قوسقان عالىم-تۇلەكتەر “بولاشاق ءىزباسارلار كوبەيسىن” دەگەن نيەتپەن اعاش كوشەتتەرىن وتىرعىزسا, كەشكە قاراي ستاديوندا تۇلەكتەر مەن وقىتۋشىلاردىڭ, ستۋدەنتتەردىڭ جانە قر قورعانىس مينيسترلىگىنەن “ەڭ ۇزدىك كافەدرا” اتاعىن العان اسكەري كافەدرانىڭ وفيتسەرلەرى مەن كۋرسانتتارىنىڭ سالتاناتتى شەرۋى بولدى. سونىمەن قاتار, قازاقتىڭ ۇلتتىق كيىمىن كيگەن كوزدىڭ جاۋىن العان ۋنيۆەرسيتەتتىڭ 500 ستۋدەنتى “قارا جورعا” ءبيىن ناقى­شىنا كەلتىرە بيلەپ, جينال­عانداردى ءبىر جەلپىندىرىپ تاستادى. 9 مىڭ ادام قاتىسقان بۇل ايتۋلى مەرەكە ەسكەندىر مەن ءبىرجان حاسان­عاليەۆ پەن وزگە دە تانىمال انشىلەردىڭ شوۋ-كونتسەرتىمەن اياقتالدى. گۇلزەينەپ سادىرقىزى. الماتى.