اشىق دەرەككوز
اتىراۋ وبلىسىنىڭ باسىم بولىگىندە توتەنشە ءورت قاۋپى, اتىراۋ قالاسىندا توتەنشە ءورت قاۋپى ساقتالادى.
تۇندە جانە تاڭەرتەن شىعىس قازاقستان وبلىسىنىڭ سولتۇستىگىندە, شىعىسىندا تۇمان بولادى. تۇندە وبلىستىڭ شىعىسىندا سىناپ باعانى 3 گرادۋس سۋىقتى كورسەتىپ, ۇسىك جۇرەدى. وبلىستىڭ باتىسىندا, وڭتۇستىگىندە, ورتالىعىندا جوعارى ءورت قاۋپى ساقتالادى. سونداي-اق 14 قىركۇيەكتىڭ ساعات 20.00-دەن 15 قىركۇيەكتىڭ ساعات 20.00-گە دەيىن وسكەمەن, ريددەر قالالارىندا اۋا ساپاسى ناشارلايتىنى ەسكەرتىلدى.
تۇندە جانە تاڭەرتەڭ قاراعاندى وبلىسىنىڭ سولتۇستىگىندە, شىعىسىندا تۇمان بولادى. كۇندىز وبلىستىڭ باتىسىندا, شىعىسىندا سولتۇستىك-شىعىستان سوققان جەلدىڭ ەكپىنى 15-20 م/س. وبلىستىڭ باتىسىندا, ورتالىعىندا جوعارى ءورت قاۋپى, وبلىستىڭ شىعىسىندا توتەنشە ءورت قاۋپى ساقتالادى. قاراعاندى قالاسىندا دا تۇندە جانە تاڭەرتەڭ تۇمان تۇسەدى.
ۇلىتاۋ وبلىسىندا سولتۇستىك-شىعىستان جەل سوعادى, كۇندىز وبلىستىڭ باتىسىندا, ورتالىعىندا سوققان جەلدىڭ ەكپىنى 15-20 م/س . وبلىستىڭ باسىم بولىگىندە جوعارى ءورت قاۋپى, وبلىستىڭ سولتۇستىگىندە, وڭتۇستىگىندە توتەنشە ءورت قاۋپى ساقتالادى. جەزقازعاندا cولتۇستىك-شىعىستان سوققان جەلدىڭ ەكپىنى 15-20 م/س دەيىن جەتەدى. جوعارى ءورت قاۋپى ساقتالادى.
باتىس قازاقستان وبلىسىنىڭ سولتۇستىگىندە, سولتۇستىك-شىعىسىندا جوعارى ءورت قاۋپى, وبلىستىڭ باسىم بولىگىندە توتەنشە ءورت قاۋپى ساقتالادى. ورالدا دا جوعارى ءورت قاۋپى ساقتالادى.
الماتى وبلىسىنىڭ سولتۇستىگىندە, شىعىسىندا توتەنشە ءورت قاۋپى بار.
تۇندە جانە تاڭەرتەڭ قوستاناي وبلىسىنىڭ سولتۇستىگىندە تۇمان تۇسەدى. وبلىستىڭ وڭتۇستىگىندە جوعارى ءورت قاۋپى ساقتالادى.
كۇندىز سولتۇستىك قازاقستان وبلىسىنىڭ وڭتۇستىگىندە نايزاعاي ويناپ, كۇن رايى بۇزىلادى دەپ بولجانادى. تۇندە جانە تاڭەرتەڭ وبلىستىڭ سولتۇستىگىندە, شىعىسىندا تۇمان ءتۇسۋى ىقتيمال. كۇندىز وبلىستىڭ سولتۇستىگىندە, وڭتۇستىگىندە, شىعىسىندا سولتۇستىكتەن, سولتۇستىك-شىعىستان سوققان جەلدىڭ ەكپىنى 15-20 م/س. پەتروپاۆلدا تۇندە جانە تاڭەرتەڭ تۇمان تۇسەدى. سولتۇستىكتەن, سولتۇستىك-شىعىستان جەل سوعادى, كۇندىزگى ەكپىنى - 15-20 م/س.
كۇندىز اقتوبە وبلىسىنىڭ ورتالىعىندا, وڭتۇستىگىندە سولتۇستىك-شىعىستان, شىعىستان جەل سوعادى, ەكپىنى - 15-18 م/س. وبلىستىڭ باسىم بولىگىندە جوعارى, وڭتۇستىگىندە توتەنشە ءورت قاۋپى ساقتالادى. اقتوبەدە دە جوعارى ءورت قاۋپى ساقتالادى.
كۇندىز قىزىلوردا وبلىسىنىڭ ورتالىعىندا, شىعىسىندا شاڭدى داۋىل تۇرادى. تۇندە وبلىستىڭ ورتالىعىندا, شىعىسىندا سولتۇستىك-شىعىستان سوققان جەلدىڭ ەكپىنى 15-20 م/س, كۇندىز وبلىستىڭ باسىم بولىگىندە 15-20 م/س, ورتالىعىندا, شىعىسىندا 23 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى, سولتۇستىك-شىعىسىندا, سولتۇستىك-باتىسىندا جوعارى ءورت قاۋپى ساقتالادى. قىزىلوردادا كۇندىز شاڭدى داۋىل تۇرادى. سولتۇستىك-شىعىستان سوققان جەلدىڭ ەكپىنى 15-20 م/س, كەي تۇستا 23 م/س دەيىن جەتەدى. توتەنشە ءورت قاۋپى ساقتالادى.
كۇندىز تۇركىستان وبلىسىنىڭ سولتۇستىگىندە شاڭدى داۋىل تۇرادى. وبلىستىڭ باتىسىندا, سولتۇستىگىندە, تاۋلى اۋداندارىندا سولتۇستىك-شىعىستان سوققان جەلدىڭ ەكپىنى 15-20 م/س, كۇندىز تاۋ اسۋلارىنداعى ەكپىنى 23 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى (5 كلاسس), شىمكەنتتە دە توتەنشە ءورت قاۋپى (5 كلاسس) ساقتالادى. تۇركىستاندا سولتۇستىك-شىعىستان جەل سوعادى, كۇندىزگى ەكپىنى 15-20 م/س قۇرايدى. توتەنشە ءورت قاۋپى (5 كلاسس) ساقتالادى.
كۇندىز اقمولا وبلىسىنىڭ سولتۇستىگىندە, شىعىسىندا نايزاعاي ويناپ, كۇن رايى بۇزىلادى.
ماڭعىستاۋ وبلىسىندا سولتۇستىك-شىعىستان, شىعىستان جەل سوعادى, وبلىستىڭ سولتۇستىگىندە, شىعىسىندا سوققان جەلدىڭ ەكپىنى 15-20 م/س قۇرايدى. وبلىس بويىنشا توتەنشە ءورت قاۋپى ساقتالادى. اقتاۋدا توتەنشە ءورت قاۋپى ساقتالادى.
تۇندە پاۆلودار وبلىسىنىڭ وڭتۇستىگىندە تۇمان تۇسەدى دەپ بولجانادى.
