تاۋەلسىزدىك شەجىرەسىنىڭ تۇساۋكەسەرى

بۇعان دەيىن “كۇلتەگىن” باس­پا­سىنان ون ءتورت كىتاپتان تۇراتىن تاۋەلسىزدىك شەجىرەسى جارىق كورگەنى بەلگىلى. وسىناۋ كوپ تومدىق جيناق ەلدەگى كىتاپحانالار جۇيەسى مەن وقىر­ماندارعا “قازاقستان رەسپۋب­لي­كاسى” دەگەن سەريامەن جول تار­تىپ وتىر. اتالعان كوپ تومدىق جوبانىڭ جەتەكشىسى ءارى اۆتورى بەلگىلى مەملەكەت جانە قوعام قاي­راتكەرى, فيلولوگيا عىلىمدارى­نىڭ دوكتورى مىرزاتاي جولداس­بەكوۆ. وتكەن اپتادا ورال قالاسىندا, “نۇر وتان” حدپ باتىس قازاقستان وبلىستىق فيليالىندا ۇيىم­داس­تىرىلعان عىلىمي-پراكتيكالىق كونفەرەنتسيا وسى جيناقتاردىڭ تۇساۋكەسەر ءراسىمى ءرولىن اتقاردى.  كونفەرەنتسيانى اشىپ, كىرىسپە ءسوز سويلەگەن باتىس قازاقستان وبلىسى اكىمىنىڭ ورىنباسارى سەرىك سۇلەي­مەن تاۋەلسىزدىكتىڭ جيىرما جىل­دى­عى قۇرمەتىنە, وسى مەرەيلى داتا­نىڭ قارساڭىندا شىعا باستاعان بۇل كىتاپتاردىڭ حالىققا بەرەرى مول ەكەنىن اتاپ ءوتتى. ول تاۋەل­سىزدىكتىڭ قادىر-قاسيەتىن تەرەڭىرەك تۇسىنۋگە, ونى باعالاي بىلۋگە جول اشادى. سونداي-اق جاڭا جيناقتار تاۋەلسىزدىكتى كوزدىڭ قاراشىعىنداي ساقتاي ءبىلۋ قاجەتتىلىگىن ۇعىندىرا الۋىمەن دە قۇندى. بۇدان سوڭ “نۇر وتان” حدپ باتىس قازاقستان وبلىستىق في­ليالى توراعاسىنىڭ ورىنباسارى ابات شىنىبەكوۆ “ەلباسى جول­دادى – ەلى قولدادى” كىتابى ءجو­نىندە ءوز وي-پىكىرىن ورتاعا سالا كەلە, ەل مەن ەلباسى اراسىنداعى تىعىز بىرلىك پەن قارىم-قاتىناس جونىندە ادەمى وي ساباقتادى. جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ تاربيە جانە الەۋمەتتىك جۇمىستار جونىندەگى پرورەكتورى, پەداگوگيكا عىلىم­دارىنىڭ دوكتورى, پروفەسسور ابات قىدىرشاەۆ وسى سەريا بويىنشا جارىق كورگەن “ەلمەن سىرلاسۋ” كىتابى جونىندە پىكىر ءبىلدىردى. ۇلت پەرزەنتىنىڭ ەلمەن سىرلاسۋىنا ارنالعان بۇل كىتابى – تاۋەلسىزدىك شەجىرەسىنىڭ ءبىر ۇزىگى, ەگەمەن ەلىمىزدىڭ تاريحي پاراقتارى دەگەن ءتۇيىن جاسادى. قالىڭ كوپشىلىككە ەكى تىلدە ۇسىنىلىپ وتىرعان كوپ تومدىق كىتاپتاردا تاۋەلسىزدىكتىڭ العاشقى كۇندەرىنەن بەرگى قازاق مەملە­كەتىنىڭ تىرشىلىك-تىنىسى, ارمان-تىلەگى مەن تالپىنىس-تالابى سان قىرىنان ايشىقتالعان ەكەن. ەگەمەن ەلىمىزدىڭ تاريحىنان سىر شەرتىپ, الداعى ۋاقىتتا دا جالعاسا بەرەتىن, تۇبىندە ءوز الدىنا جەكە بايتاق كىتاپحانانى قۇرايتىن كوپ تومدىق جوبانى وقىپ تانىسۋ ءبارىمىزدىڭ پارىزىمىز بولسا كەرەك. كىتاپتاردىڭ تۇساۋكەسەر ءراسىمى اياقتالعاننان كەيىن وسىناۋ قۇندى رۋحاني دۇنيەلەر وبلىس كىتاپحانا­لارىنا سىيعا تارتىلدى. تەمىر  قۇسايىن, ورال.