بۇل – نيۋ-يورك قالاسىنداعى تاريحي «ۋندەرۆۋد» فيرماسىنىڭ ستاندارتتى ءپورتاتيۆتى باسپا ماشەڭكەسى. بۇل قۇرالدا زاۋىتتىڭ اتاۋى, شىعارىلعان كۇنى انىق جازىلعان. جوعارى جاعىنا سىزعىش بەكىتىلىپ, پەرنەتاقتاسىندا ارىپتەر, ساندار جانە تىنىس بەلگىلەرى كورسەتىلگەن. بۇل دۇنيە ساكەن اتامىزعا تىكەلەي تيەسىلى.
اقىن وسى جازۋ ماشەڭكەسىمەن تالاي شىعارماسىن جازعان. قايراتكەر ۇستالىپ كەتكەننەن كەيىن ونى جاقىن اعاسى ۇيىندە ۇزاق جىلدار بويى ساقتاپ كەلگەن. 1988 جىلى اقمولا قالاسىنان ارداقتى اقىننىڭ مۇراجايى اشىلعاندا سوعان تاپسىرعان. قازىر كورنەكتى تۇلعانىڭ قولىنىڭ تابى قالعان بۇل جازۋ ماشەڭكەسى ساكەن سەيفۋللين مۋزەيىنىڭ قۇندى ەكسپوناتى سانالادى.
