فوتو: الماتى قالاسى تجد
12 قىركۇيەكتە ساعات 23:32-دە جەتىسۋ اۋدانى نوعايباەۆ كوشەسىندە جەكە تۇرعىن ۇيلەردىڭ بىرىنەن ءورت شىققان. تجد كۇشتەرى مەن قۇرالدارى اۆتوماتتى تۇردە جوعارى دارەجەدەگى شاقىرتۋ بويىنشا وقيعا ورنىنا جونەلتىلگەن.
ء«ورت سوندىرۋشىلەر وقيعا ورنىنا 4 (23:36) مينۋتتا جەتكەن ساتتە, اعاشتان سالىنعان جەكە ءۇيدىڭ شاتىرىن, شارۋاشىلىق عيماراتىنىڭ جانە ۋاقىتشا سالىنعان ءۇي جايدىڭ S=200 شارشى مەتردەگى وتقا ورانعانىن انىقتادى, سونداي- اق قۇرىلىمداردىڭ وپىرىلىپ قۇلاۋى تۋرالى باياندادى», دەپ حابارلادى قالالىق تجد ءباسپاسوز قىزمەتى.
ءۇيدىڭ قابىرعالارى مەن شاتىر قاباتى تەز جانعىش ماتەريالداردان جاسالعاندىقتان, جالىن تەز تارالعان. وقيعا ورنىنان 50 ل. گازباللون ەۆاكۋاتسيالانعان.
ء«ورت سوندىرۋشىلەر 2 ادامدى قۇتقارىپ ۇلگەردى. 1994 جىلى تۋعان ەر ادام جانە 1993 جىلى تۋعان ايەل №4 قالالىق اۋرۋحاناعا ەسسىز جاعدايدا جەتكىزىلدى. وكىنىشكە وراي, تجد كۇشتەرى كەلگەنگە دەيىن 2023 جىلى تۋعان بالا قايتىس بولدى», دەلىنگەن حابارلامادا.
