تەحنيكالىق ماماندىقتىڭ بولاشاعى زور

بيىلعى جولداۋ «ادىلەتتى قازاقستان: زاڭ جانە ءتارتىپ, ەكونوميكالىق ءوسۋ, قوعامدىق وپتيميزم» دەپ اتالىپتى. كەيىنگى جىلدارى ادىلەتتى قازاقستان دەگەن تىركەس ءجيى ايتىلىپ ءجۇر. بۇل تەگىن ەمەس. بۇعان دەيىن حالىقتىڭ كوكەيىندە تۇرعانى دا وسى ماسەلە ەدى. ادىلەتتى قوعام قالىپتاسسا, زاڭ دا, ءتارتىپ تە, ەكونوميكالىق ءوسىم دە بولاتىنى اقيقات.

جولداۋدا ءبىلىم بەرۋ جۇيەسىن دا­مىتۋعا جانە تەحنيكالىق كادر­لاردى دايارلاۋعا ەرەكشە ءمان بەرىل­دى. مەملەكەت باسشىسى ەلدىڭ تۇراق­تى ەكونوميكالىق ءوسۋى مەن باسە­كەگە قابىلەتتىلىگىن ارتتىرۋ ءۇشىن بىلىكتى مامانداردى, اسىرەسە, تەح­نيكالىق جانە ينجەنەرلىك سالالاردا دايارلاۋعا باسا نازار اۋدارۋ قاجەت ەكەنىن اتاپ ءوتتى. بۇ­گىندە ەلىمىزدە تەحنيكالىق مامان­­دىقتاردى دايارلاۋعا باسىم­­دىق بەرىلىپ جاتقانىن بىلەمىز. سول باعىتقا ءبىلىم گرانتتارى مولىنان ءبولىنىپ, بارىنشا قولداۋ كور­­سەتىلىپ جاتىر. بۇل – كورەگەن ساياسات. ءتۇپتىڭ تۇبىندە تەحنيكا ما­مان­­­دىقتارىنىڭ يەلەرى ەل دامۋى­نا ۇلكەن ۇلەس قوساتىنىنا سەنىم مول. مەملەكەت باسشىسىنىڭ ەڭ­بەك ادام­دارىنا قۇرمەت كورسە­تۋ ما­­ڭىز­دى ەكەنىن ءجيى ايتۋى – تەح­ني­­كا ما­ماندىقتارىن, ياعني قارا­پا­­يىم جۇ­مىسشى ماماندىق­تا­­رىن نا­س­ي­حاتتاۋدىڭ ءبىر تەتىگى ىسپەتتەس.

پرەزيدەنت تەحنيكالىق جانە كاسىبي ءبىلىم بەرۋ جۇيە­سىن دامىتۋعا توقتالىپ, ين­دۋست­ريالان­دىرۋ جانە ەل ەكو­نو­مي­كاسىن ارتاراپتاندىرۋ­عا ەلەۋلى ۇلەس قوساتىن ينجەنەر­لىك جانە عىلى­مي كادرلاردى دايارلاۋدى جاق­سارتۋ قاجەتتىلىگىن ايتتى. وڭدەۋشى ونەركاسىپتە, ءىرى زاۋىتتار­دا, باسقا دا جوعارى تەح­نولو­گيا­لىق سالالاردا جوعا­رى بىلىكتى ما­مان­دارعا دەگەن سۇرا­نىستىڭ ارتىپ جاتقانىن ەسكەرسەك, كادر دايىنداۋ ءىسى جۇيەلى اتقارىلعانى ابزال.

قاسىم-جومارت توقاەۆ ءوز جولداۋىندا عىلىمي زەرت­تەۋ­لەردى دامىتۋ جانە ءبىلىم بەرۋ ۇدەرىسىنە يننوۆاتسيالىق تەحنولوگيالاردى ەنگىزۋدىڭ ماڭىزىن اتاپ ءوتتى. قازاقستان جاڭا تەح­نولوگيالىق كوشباسشىلار­دى قالىپتاستىرۋ ءۇشىن ءتيىمدى جاعداي جاساۋدى كوز­دەۋى كەرەك, بۇل عىلىم مەن تەحنو­لوگياعا قو­ماق­تى ينۆەستيتسيا سالماي جانە جوعارى ءبىلىم بەرۋ جۇيەسىن رە­فور­مالاماي مۇمكىن ەمەس ەكەنىنە ەرەكشە توقتالدى.

جاس مامانداردى قولداۋ جانە ولاردىڭ بىلىكتىلىگىن ارتتىرۋ اياسىندا پرەزيدەنت ەكونومي­كانىڭ نەگىزگى سالالارى ءۇشىن جوعارى بىلىكتى كادرلار دايارلاۋعا باعىتتالعان «جاس مامان» باع­دار­لاماسىن اتاپ ءوتتى. بۇل باس­تاما وقۋ ورىندارىنىڭ سانىن كوبەيتۋ, ولاردى زاماناۋي جابدىقتار­­مەن جانە ادىستەمەلىك قولداۋمەن قام­تاماسىز ەتۋ ماق­ساتىندا جالعا­سىن تاپپاق.

سونداي-اق ينجەنەرلىك ءبىلىم مەن عىلىمنىڭ جاڭا تەحنولوگيا­لارى بويىنشا عىلىمي-زەرت­تەۋ حابىن قۇرۋعا تاپسىرما بەرىل­دى. بۇل رەتتە كوپتەگەن ۋنيۆەر­سيتەتتە عىلىم جانە جوعارى ءبىلىم مينيسترلىگى قولداۋىمەن تەحنوپارك جانە ينجەنەرلىك ورتا­لىقتارى قۇرىلىپ جاتىر. بۇل ورتالىقتار الداعى ۋاقىتتا وتان­دىق ۇلتتىق كومپانيالارمەن بايلانىس ورناتپاق.

قورىتا ايتساق, جولداۋدا ءبىلىم بەرۋ جانە تەحنيكالىق كادر­لار­دى دايارلاۋ ماسەلەسىنە باسا نازار اۋدارىلۋى قازاقستان­نىڭ ءبىلىم مەن جوعارى تەحنولو­گيا­لارعا نەگىزدەلگەن ەكونوميكانى قۇرۋعا ۇمتىلىسىن كورسەتەدى. بۇل – ەلىمىزدىڭ ودان ءارى تۇراقتى دامۋىنىڭ نەگىزگى فاكتورى.

الۋا تاڭجارىقوۆا,

اباي اتىنداعى قازۇپۋ پروفەسسورى, ف.ع.د., فيلولوگيا فاكۋلتەتىنىڭ دەكانى