• 27 قاڭتار, 2015

اقپاراتتار اعىنى

261 رەت

كورسەتىلدى

3 مين

وقۋ ءۇشىن

Egemen Qazaqstan

*بىلتىر مەملەكەتىمىز 2 ملرد. 9 ملن. كۆت/ساعات ەلەكتر ەنەرگياسىن ەكسپورتتادى. ەنەرگەتيكا ءمينيسترى ۆلاديمير شكولنيكتىڭ سوزىنە قاراعاندا, «جاسىل» ەكونوميكاعا ءوتۋ تۇجىرىمداماسىنا ءسايكەس, جاڭعىرتىلعان ەنەرگيا كوزدەرىنەن الىناتىن قۋاتتى 2020 جىلعا قاراي – 3, ال 2030 جىلى 10 پايىزعا ارتتىرۋ جوسپاردا تۇر. *ەلىمىزدە «ينۆاتاكسي» قىزمەتى جىلىنا 10 مىڭعا جۋىق ءوتىنىم بويىنشا قىزمەت كورسەتەدى. دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى سۆەتلانا جاقىپوۆانىڭ ايتۋىنشا, 2014 جىلى سالانىڭ جۇمىسىن قامتاماسىز ەتۋ ءۇشىن 181 ملن. تەڭگە قارالعان. ونىڭ 90 ملن. تەڭگەسى رەسپۋبليكالىق, قالعان بولىگى جەرگىلىكتى بيۋدجەت ەسەبىنەن بولىنگەن. *بيىل استانادا 3 قوسالقى ەلەكتر ستانساسى ىسكە قوسىلادى. قالالىق ەنەرگەتيكا باسقارماسى ءمالىم ەتكەندەي, بۇل ستانسالار بارلىق نىساندار مەن كاسىپورىنداردى ەلەكتر ەنەرگياسىمەن ۇزدىكسىز قامتاماسىز ەتۋگە باعىتتالعان ءىس-شارالار اياسىندا سالىنادى. *قاراعاندىدا اۋىر جۇك كوتەرەتىن كراندار قۇراستىرىلىپ جاتىر. ءوڭىردەگى «وپتيم-كران قازاقستان» جشس قۇنى 390 ملن. تەڭگەلىك, جىلدىق قۋاتى 30 كران دايىنداۋعا جەتەتىن جاڭا جوبانى ىسكە اسىرۋدا. باس ينجەنەرى دەنيس مالىكين كاسىپورىنعا «بيزنەستىڭ جول كارتاسى-2020» مەملەكەتتىك باعدارلاماسىنىڭ قولداۋىمەن قاجەتتى قوندىرعىلار ساتىپ الىنعانىن جەتكىزدى. قازىر مۇندا 70 ادام جۇمىس ىستەيدى. *وڭتۇستىك قازاقستاندا يندۋستريالاندىرۋ كارتاسىنا ەنگەن جوبالاردىڭ سانى 223-كە جەتتى. وبلىستىق كاسىپكەرلىك, يندۋستريالىق-يننوۆاتسيالىق دامۋ جانە تۋريزم باسقارماسىنىڭ باسشىسى باقىتجان اشىربەكوۆ وسى جوبالاردىڭ جالپى قۇنى 1,2 ترلن. تەڭگەنى قۇراعانىن, ونىڭ 65 پايىزى اۋىلدىق جەرلەردە جۇزەگە اسىرىلىپ جاتقانىن مالىمدەدى. *اقمولا وبلىسىندا بيۋست, ءمۇسىن جانە ەسكەرتكىش شىعارىلا باستادى. وبلىس اكىمدىگى ءباسپاسوز قىزمەتىنىڭ دەرەگىنشە, ارشالى اۋدانىنداعى «قازاقستان كوركەم كومبيناتى «قازارت» جشس مەنشىگىندەگى وندىرىستىك كومبيناتتىڭ ونىمدەرىنە قازىردىڭ وزىندە استانا مەن ەلىمىزدىڭ وزگە ءوڭىرلەرىنەن تاپسىرىستار تۇسۋدە. بۇل جوبانىڭ قۇنى – 400 ملن. تەڭگە. *ورالدا قۇراستىرىلعان العاشقى ۇشاق سىناقتان ءوتتى. باتىس قازاقستان ماشينا جاساۋ كومپانياسى مەن اقش-تىڭ Lancair فيرماسى بىرلەسىپ شىعارعان Lancair IV اۋە كولىگىنىڭ قۋاتى 700 ات كۇشىنە تەڭ. ءۇش جولاۋشىعا ەسەپتەلگەن ول 2 مىڭ شاقىرىمعا ۇشىپ بارا الادى. جىلدامدىعى ساعاتىنا 500 شاقىرىم. بۇعان مەملەكەت تاراپىنان قارجى جۇمسالماعان. بۇل – ءتۋربوۆينتتى دۆيگاتەلى بار, كومىرسۋتەگى ماتەريالىنان جاسالعان قازاقستانداعى ءبىرىنشى ۇشاق. *اقتاۋدا 8 مىڭنان استام جاڭا جۇمىس ورنى اشىلدى. ماڭعىستاۋ وبلىستىق اكىمدىگىنىڭ ءباسپاسوز قىزمەتى اتاپ كورسەتكەندەي, وتكەن جىلى وڭىردە جۇمىسپەن قامتۋ جانە حالىقتى الەۋمەتتىك قولداۋ ءۇشىن جەرگىلىكتى بيۋدجەتتەن 773 ملن. تەڭگە قارالعان. حابارلار ۇكىمەت, وبلىستىق اكىمدىكتەر سايتتارى مەن «قازاقپارات» دەرەكتەرى بويىنشا دايىندالدى.