فوتو: Polisia.kz
ەلەكتروندى شىلىمدى وسكەمەن قالاسىنداعى ەكى ساۋدا ءۇيى كاليان دۇكەندەرىنەن جاسىرىن ساتقان. ءبىرىنشى دۇكەندى ءتىنتۋ كەزىندە 450-دەن استام ەلەكتروندى تەمەكى, سونداي-اق ۆەيپتەر مەن Pod جۇيەلەرىنە ارنالعان 10-نان استام سۇيىقتىق تابىلعان. جەدەل ۋاكىلدەر ەكىنشى دۇكەننەن 115 ەلەكتروندى تەمەكى تاركىلەگەن.
«شەگىلمەيتىن تەمەكى ونىمدەرىنىڭ اينالىمى فاكتىلەرى بويىنشا سوتقا دەيىنگى تەرگەۋ باستالدى. زاڭعا سايكەس, كۇدىكتىلەرگە 200 اەك-كە دەيىنگى مولشەردە ايىپپۇل سالىنادى, نە سول مولشەردە تۇزەتۋ جۇمىستارى جۇرگىزىلەدى, نە 200 ساعاتقا دەيىنگى مەرزىمگە قوعامدىق جۇمىستارعا تارتىلادى, نە 50 تاۋلىككە دەيىن قاماۋعا الىنادى», دەپ جازادى Polisia.kz.
پوليتسيا دەپارتامەنتى بيىل 20 ماۋسىمنان باستاپ قازاقستاندا شەگىلمەيتىن تەمەكى ونىمدەرىنىڭ, ەلەكتروندىق تۇتىنۋ جۇيەلەرىنىڭ (ۆەيپتەردىڭ), ولار ءۇشىن حوش يىستەندىرگىشتەر مەن سۇيىقتىقتاردىڭ اينالىمىنا تىيىم سالىنعانىن جانە قىلمىستىق جاۋاپكەرشىلىك كوزدەلگەنىن ەسكە سالادى.
