قۇقىقتىق مادەنيەتتى كوتەرۋگە نازار جوعارى

سىرتقى ىستەر ءمينيسترى ەرلان ىدىرىسوۆ بۇۇ بەيبىت جينالىس­تار مەن اسسوتسياتسيالار بوستاندىعىنا قۇقىق ماسەلەلەرى جونىندەگى ارنايى بايانداماشىسى ماينا كيايمەن كەزدەستى. اڭگىمە بارىسىندا قازاقستان رەس­پۋبليكاسىندا بەيبىت جينالىستار مەن اسسوتسياتسيالار بوستاندىعىنىڭ قۇ­قىقتارى جونىندە ارنايى باياندا­ماشىعا ۇسىنىلعان شولۋ قۇجاتى تۋرالى ءسوز قوزعالدى. قۇجاتتا قازاقستاننىڭ اتالعان سالاداعى اعىمدى جاعدايى باياندالعان. 2015 جىلى بۇۇ ادام قۇقىقتارى ءجو­نىن­دەگى بيۋرو كەڭەسىنىڭ قۇرامىنا قازاق­ستاننىڭ توراعا ورىنباسارى رە­تىندە سايلانۋىن اتاپ ءوتىپ, ە.ىدى­رىسوۆ قازاقستان بارلىق حالىقارالىق ۇيىمدارمەن جانە قۇقىق قورعاۋشى ينستيتۋتتارمەن ءارى قاراي ءتيىمدى ىنتى­ماقتاسۋعا دايىن ەكەنىن جەتكىزدى. قازاقستان كوپتەگەن قۇقىق قور­عاۋ كەلىسىمدەرىن راتيفيكاتسيالادى. اتالعان قۇجاتتاردى ىسكە اسىرۋ بويىنشا, ۇلتتىق زاڭناما مەن قۇ­­قىق­تىق قولدانۋ تاجىريبەسىن راتي­في­­كاتسيا­لانعان قۇجاتتارمەن سايكەس­تەن­دىرۋ جۇمىستارى داعدىلى اتقارىلىپ كەلەدى. ارنايى بايانداماشىنىڭ بەيبىت جينالىستار مەن اسسوتسياتسيالار بوس­تاندىعى قۇقىق ماسەلەلەرى مانداتىنا قاتىستى قازاقستان ۇكىمەتى سپورتتىق-بۇقارالىق, مادەني-كورىنىستىك جانە وزگە بۇقارالىق شارالاردى وتكىزۋ بارىسىندا قاۋىپسىزدىكتى قامتاماسىز ەتۋ ماسەلەلەرى بويىنشا كەيبىر زاڭ اكتىلەرىنە وزگەرىستەر ەنگىزۋ تۋرالى زاڭ جوباسىن جاساۋ جونىندە شەشىم قابىلداعانى ايتىلدى. قۇقىق قورعاۋ كونۆەنتسيالارى ەرەجەلەرىن جۇزەگە اسىرۋ تۋرالى ەسەپتەر بەلگىلەنگەن مەرزىمىندە جەنەۆاعا جىبەرىلىپ تۇرادى. وسىلايشا, قازاقستان وتكەن جىلى ءۇش كونۆەنتسيا (ناسىلدىك كەمسىتۋشىلىك, ايەلدەر, ازاپتاۋ) جانە مەرزىمدى امبەباپ شولۋ بويىنشا بۇۇ ادام قۇقىقتارى كەڭەسىندە ءتورت ەسەبىن ءساتتى قورعادى. قازىرگى تاڭدا قازاقستاندا ادام ولشەۋىشى بويىنشا نورماتيۆتىك-قۇقىقتىق بازا مەن تاجىريبەلىك شارالاردى ودان ءارى كەمەلدەندىرۋ بويىنشا ۇلكەن جۇمىس اتقارىلۋدا. 2010-2020 جىلدارعا قۇقىقتىق ساياسات تۇجىرىمداماسى جاسالىپ, جۇزەگە اسىرىلۋدا. جاقىن ارادا 2020 جىلعا دەيىنگى ادام قۇقىقتارى سالاسىندا جاڭا ۇلتتىق ءىس-قيمىلدار جوسپارىنىڭ جوباسى جاسالادى دەپ كۇتىلۋدە. قازاقستاننىڭ مەملەكەتتىك ورگاندارى حالىقتىڭ قۇقىقتىق مادەنيەتىن ارتتىرۋعا, ازاماتتىق قوعاممەن ىنتىماقتاسۋعا ەرەكشە كوڭىل بولەدى. پىكىرلەردىڭ تولىققاندى مونيتورينگىن قامتاماسىز ەتۋ مەن قۇقىق قورعاۋ سالاسىندا ءتيىستى شەشىمدەر قابىلداۋعا ىقپال جاساۋ ماقساتىندا قر ءسىم جانىندا «ادامي ولشەم جونىندەگى ۇنقاتىسۋ الاڭى» دەگەن اتپەن كونسۋلتاتيۆتى-كەڭەسشى ورگان جۇمىس ىستەيدى. «ەگەمەن-اقپارات».