قاسىم-جومارت توقاەۆ قازاقستان مەن تۇركيا اراسىنداعى قارىم-قاتىناس ەكىجاقتى جانە كوپجاقتى كۇن ءتارتىبىنىڭ بارلىق باعىتى بويىنشا قارقىندى دامىپ كەلە جاتقانىن اتاپ ءوتتى.
پرەزيدەنت ارىپتەسى رەجەپ تايپ ەردوعانعا ىزگى تىلەگىن جولداپ, ەكى ەلدىڭ ستراتەگيالىق ىنتىماقتاستىعى مەن سەرىكتەستىگىن ودان ءارى نىعايتۋدىڭ ماڭىزدى ەكەنىنە نازار اۋداردى.
ءوز كەزەگىندە ياشار گيۋلەر اتاجۇرتتا كورسەتىلگەن سىي-قۇرمەت ءۇشىن العىس ايتىپ, تۇركيانىڭ قازاقستانمەن ءوزارا سەنىم جانە قولداۋ رۋحىنداعى بايلانىستاردى ودان ءارى تەرەڭدەتۋگە نيەتتى ەكەنىن راستادى. ول ەلىمىزدىڭ بىرقاتار وڭىرلىك جانە حالىقارالىق تۇيتكىلدى شەشۋگە باعىتتالعان كۇش-جىگەرىن جوعارى باعالادى.
سونىمەن قاتار اڭگىمەلەسۋ بارىسىندا ەكى ەلدىڭ قاۋىپسىزدىك سالاسىنداعى ىنتىماقتاستىق ماسەلەسى قاراستىرىلدى.
