قازاقستان رەسپۋبليكاسى پرەزيدەنتىنىڭ ءارحيۆى, Satbayev University جانە Yandex Qazaqstan العاش رەت ارحيۆ ءىسى سالاسىنداعى يننوۆاتسيالىق تەحنولوگيالىق شەشىمدەردى ازىرلەۋگە باعىتتالعان «Archive Hack: اقىلدى ارحيۆ» حاكاتونىن وتكىزەدى.
ءىس-شارا 24-25 قىركۇيەك كۇندەرى الماتى قالاسىندا توپتىق سايىس فورماتىندا وتەدى جانە قازاقستان ارحيۆتەرىنىڭ تسيفرلىق ترانسفورماتسياسىنداعى ماڭىزدى كەزەڭ بولماق. حاكاتون جەڭىمپازدارىن قازىلار القاسى تاڭدايدى, جەڭىمپازدار Satbayev University ءبىلىم بەرۋ گرانتتارىمەن جانە Yandex Qazaqstan قارجىلاي سىيلىقتارىمەن ماراپاتتالادى.
حاكاتونعا IT جانە تاريحي ماماندىقتاردا (جانە ارالاس باعىتتارداعى) وقيتىن ۋنيۆەرسيتەت پەن كوللەدج ستۋدەنتتەرى, سونداي-اق الماتى قالاسىنىڭ 10-12 سىنىپ وقۋشىلارى قاتىسا الادى.
ولار ارحيۆتىك دەرەكتەرگە قولجەتىمدىلىكتى جاقسارتۋ, ولاردى تسيفرلاندىرۋ, قورعاۋ جانە ساقتاۋ باعىتىندا جوبالار ازىرلەۋ ءۇشىن باق سىنايدى. حاكاتون ۇيىمداستىرۋشىلارى قاتىسۋشىلارعا تاريحي ماتەريالداردى جانە قازاقستاننىڭ مادەني مۇراسىنىڭ دەرەكتەرىنە قولجەتىمدى ءارى قىزىقتى ەتىپ شەشىمدەر ازىرلەۋدى تاپسىرما ەتىپ قويدى. حاكاتون بارىسىندا قاتىسۋشىلار Yandex Qazaqstan ساراپشىلارىنان قولداۋ مەن تالىمگەرلىك كومەك الا الادى.
قر پرەزيدەنتى ءارحيۆىنىڭ ديرەكتورى ءاليا مۇستافينا: ء«بىز جاستاردىڭ IT داعدىلارىن دامىتۋعا جانە زاماناۋي تسيفرلىق تەحنولوگيالاردى ارحيۆ ىسىنە ەنگىزۋگە باعىتتالعان ءبىلىم بەرۋ باستامالارىنا ەرەكشە نازار اۋدارامىز. بۇل حاكاتون - شىن مانىندە بىرەگەي جوبا, بارلىق قاتىسۋشى باعالى تاجىريبە جيناپ, ەلىمىز ءۇشىن ماڭىزدى جۇمىس اتقارادى», دەدى.
Yandex Cloud Qazaqstan بيزنەسىنىڭ جەتەكشىسى ارىستانبەك جولداسبەكوۆ: «قاتىسۋشىلار الدىندا ماڭىزدى مىندەتتەر تۇر: ب ۇلىنگەن قۇجاتتاردان دەرەكتەردى قالپىنا كەلتىرۋ, سۋرەتتەردى جاقسارتۋ, ءماتىندى تانۋ الگوريتمىن قۇرۋ نەمەسە ۆيرتۋالدى ءارحيۆتى ازىرلەۋ. ءبىز زاماناۋي تەحنولوگيالار مەن قاتىسۋشىلاردىڭ كۇش-جىگەرى مادەني مۇرانى ساقتاۋعا جانە ونى بولاشاق ۇرپاققا قولجەتىمدى ەتۋگە كومەكتەسەتىنىنە سەنىمدىمىز. Yandex Qazaqstan جوبالاردى تابىستى جۇزەگە اسىرۋ ءۇشىن قاجەتتى رەسۋرستار مەن تالىمگەرلىك قولداۋ كورسەتەدى», دەدى.
Satbayev University اكادەميالىق ماسەلەلەر جونىندەگى پرورەكتورى رايسا وسكەنباەۆا: ء«بىز «Archive Hack: اقىلدى ارحيۆ» حاكاتونىن وتكىزۋ الاڭىنا اينالعانىمىزدى ماقتان تۇتامىز. بۇل ستۋدەنتتەر مەن وقۋشىلار ءۇشىن IT جانە جاساندى ينتەللەكت سالاسىنداعى بىلىمدەرىن تاجىريبەدە قولدانۋدىڭ بىرەگەي مۇمكىندىگى. بۇل حاكاتون جاڭا تەحنولوگيالاردى دامىتۋعا سەرپىن بەرىپ, مادەني مۇرامىزدى ساقتاۋ مەن ناسيحاتتاۋعا ۇلەس قوسادى دەپ سەنەمىز. جەڭىمپازدار ءبىزدىڭ ۋنيۆەرسيتەتتىڭ ءبىلىم بەرۋ گرانتتارىنا يە بولادى», دەدى.
بارلىق نيەت بىلدىرۋشىلەر ارنايى سايتتاعى فورما ارقىلى تىركەلە الادى.
