كومپانيا باسشىلىعى مەن «QazIndustry» اق وكىلدەرى «قازاقمىستىڭ» بالقاش, جەزقازعان جانە قاراعاندىداعى التى ءوندىرىس ورنىندا بولدى.
بالقاشتا دەلەگاتسيا «قازاقمىس كورپوراتسياسى» جشس-ءنىڭ مەحانيكالىق جوندەۋ زاۋىتى مەن «Kazakhmys Smelting» جشس-ءنىڭ مىس جانە ەمال سىمدارىن شىعاراتىن تسەحىنىڭ ونىمدەرىنە ەرەكشە قىزىعۋشىلىق تانىتتى.
«ERG كوممەرتسيالىق ورتالىعى» جشس-نىڭ باس ديرەكتورى رۋسلان مۋليۋكباەۆ ىنتىماقتاستىقتى ودان ءارى دامىتۋدىڭ ماڭىزدىلىعىن اتاپ ءوتتى.
ء«بىز جىلىنا 80 تونناعا دەيىن ەمال سىمىن ساتىپ الۋعا جانە قازاقمىسپەن ءوزارا ءتيىمدى شارتتاردا ءۇش جىلدىق فورمۋليارلىق كەلىسىمشارت جاساسۋعا مۇددەلىمىز. ءبىز ءونىم باعاسىن بەلگىلەۋ جانە ىشكى مازمۇندى دامىتۋ بويىنشا اشىق ىنتىماقتاس جاساۋعا دايىنبىز», دەدى رۋسلان مۋليۋكباەۆ.
«كازتسينكماش» وك ديرەكتورى الەكساندر انچۋگين مەحانيكالىق جوندەۋ زاۋىتى ونىمدەرىنىڭ كەلەشەگى تۋرالى پىكىر ءبىلدىردى.
ء«بىزدىڭ كومپانيالارىمىز ءۇشىن ءبىر-ءبىرىمىزدى قولداي وتىرىپ, يمپورتتى الماستىرۋعا ارنالعان پوزيتسيالاردى دامىتۋ وتە ماڭىزدى. ماشينا جاساۋ سالاسىندا ءىرى كومپانيالاردىڭ ىنتىماقتاستىعى جوعارى مۋلتيپليكاتيۆتىك اسەرگە يە: ءبىز سەرىكتەستەرىمىزگە بەلگىلى ءبىر ونىمدەردى وندىرۋدە كومەكتەسەمىز, ال ولار بىزگە كومەكتەسەدى. ءبىزدىڭ رمز-مەن جۇمىسىمىزدىڭ مىسالى – مۇنىڭ ايقىن دالەلى», دەدى ول.
جەزقازعان قالاسىندا دەلەگاتسيا باعدارلامانى قازاقستاننىڭ تاۋ-كەن مەتاللۋرگيا ونەركاسىبىنىڭ دامۋىنا قوسقان ۇلەسىنە قۇرمەت رەتىندە قانىش ساتباەۆتىڭ ەسكەرتكىشىنە گۇل شوقتارىن قويۋدان باستادى, «Kazakhmys Smelting» جشس-نىڭ باس ديرەكتورى جانىبەك بايعابەلوۆ قوناقتاردى جەزقازعان مىس قورىتۋ زاۋىتىنىڭ جانە «قازكات» مىس يلەمدەرىن شىعاراتىن زاۋىتتىڭ جۇمىسىمەن تانىستىردى.
كەلەسى كەزەكتە دەلەگاتسيا ماشينا جاساۋ سالاسىنىڭ فلاگمانى رەتىندە تانىلعان قاراعاندى قۇيۋ-ماشينا جاساۋ زاۋىتىندا بولدى. زاۋىت تاۋ-كەن, مەتاللۋرگيا جانە ەنەرگەتيكا سالالارىنا ارنالعان فلوتاتسيالىق جابدىقتى, ۇساقتاۋ جانە ۇنتاقتاۋ قوندىرعىلارىن, كونۆەيەرلىك جۇيەلەر مەن بولشەكتەردى شىعارۋعا ماماندانعان وندىرىستىك قۋاتىمەن تانىمال. حالىقارالىق ساپا ستاندارتتارىنا سايكەس كەلەتىن وتە كۇردەلى جابدىقتى شىعارۋعا مۇمكىندىك بەرەتىن تەحنولوگيالار مەن ازىرلەمەلەرگە ەرەكشە نازار اۋدارىلدى.
2024 جىلدىڭ 19 تامىزىندا قاراعاندى قۇيۋ-ماشينا جاساۋ زاۋىتى حالىقارالىق API سەرتيفيكاتىن (امەريكاندىق مۇناي ينستيتۋتى) الدى, بۇل سەرتيفيكاتقا يە قازاقستانداعى العاشقى ماشينا جاساۋ كاسىپورنى بولدى.
قاراعاندى قۇيۋ-ماشينا جاساۋ زاۋىتىنىڭ باسقارما توراعاسى جانىبەك بايعابەلوۆ «قازاقمىستىڭ» يمپورتتىق ماتەريالدار مەن جابدىقتاردى وتاندىق ونىممەن الماستىرۋ ستراتەگياسىنداعى زاۋىتتىڭ ماڭىزدىلىعىن اتاپ ءوتتى. ول زاۋىتتىڭ وندىرىستىك قۋاتتىلىعىن بەلسەندى تۇردە ارتتىرىپ جاتقانىن, بۇل يمپورتقا تاۋەلدىلىكتى ازايتۋعا جانە قازاقستاندىق ءونىمنىڭ باسەكەگە قابىلەتتىلىگىن ارتتىرۋعا كومەكتەسەتىنىن اتاپ ءوتتى.
ەكى كۇندىك ساپار قازاقمىس, قازتسينك جانە ERG اراسىنداعى ىنتىماقتاستىق تۋرالى ۇشجاقتى مەموراندۋمعا قول قويۋمەن اياقتالدى. بۇل مەموراندۋم ۇزاق مەرزىمدى ارىپتەستىكتى دامىتۋعا جانە تاۋارلاردى, جۇمىستار مەن قىزمەتتەردى ساتىپ الۋداعى جەرگىلىكتى قامتۋ ۇلەسىن ارتتىرۋعا باعىتتالعان. ىنتىماقتاستىق قازاقستان رەسپۋبليكاسىنىڭ يندۋستريالاندىرۋ, ادام رەسۋرستارىن دامىتۋ جانە وتاندىق ءونىمدى قولداۋ سالاسىنداعى ەكونوميكالىق ىلگەرىلەۋىنە ىقپال ەتەدى. الداعى ۋاقىتتا قوسالقى بولشەكتەردىڭ 200-دەن استام اتاۋىنا off-take كەلىسىمدەرىن جاساۋ جوسپارلانىپ وتىر.
