سۋرەت: kaz-impex.kz
الداعى ۋاقىتتا كاسىپورىندار مايلىق, دارەتحانا قاعازى, دىمقىل مايلىق, داپتەر, كارتون جانە گوفرلەنگەن قاپتامالار شىعاراتىن بولادى. بارلىق ءونىم ەلدىڭ ىشكى قاجەتتىلىكتەرىنە باعىتتالادى. بۇگىنگى كۇنگە جوسپارلانعان 7 جوبانىڭ ەكەۋى شىمكەنت قالاسىندا ىسكە قوسىلدى. ولار – دىمقىل مايلىق پەن پكس ماركالى كارتون وندىرەتىن كاسىپورىندار. بۇعان سالىنعان ينۆەستيتسيانىڭ جالپى سوماسى 300 ملن تەڭگەنى قۇراپ, 40 جاڭا جۇمىس ورنى قۇرىلدى.
وسى جىلعا جوسپارلانعان بارلىق ءوندىرىس كولەمى شامامەن 20 ملرد تەڭگەنى قۇرايدى. ولاردىڭ ىشىندە دىمقىل مايلىق, ماسكا, جەكە قورعانىس قۇرالدارى, كارتون قاعاز جانە گوفرلەنگەن كارتون ءوندىرىسى بار. بۇل نىسانداردىڭ اشىلۋى 300 جۇمىس ورنىن قۇرۋعا مۇمكىندىك بەرەدى. جاڭا كاسىپورىندار ءونىمىنىڭ 20%-دان استامىن جاقىن جانە الىس شەتەلدەرگە ەكسپورتتاۋدى جوسپارلاپ وتىر. بۇل كاسىپورىنداردىڭ باسىم كوپشىلىگى شىمكەنت جانە الماتى قالالارىندا ورنالاسقان.
جوبالاردى ىسكە اسىرۋعا مونيتورينگ جۇرگىزۋ, تالداۋ ديرەكتسياسى اتاپ وتكەندەي, الداعى ۋاقىتتا سالادا قۇنى 35 ملرد بولاتىن 500-دەن استام جۇمىس ورنىن قۇرۋمەن قاتار تاعى 9 جوبا پىسىقتالىپ وتىر. وتاندىق جانە شەتەلدىك ينۆەستورلارمەن بىرلەسىپ مايلىق, جۇمىرتقا ناۋاسى, گوفروتارا, قاعاز قاپتار ءوندىرىسىن ىسكە قوسۋ جوسپارلانعان.
«جالپى, تسەلليۋلوزا-قاعاز ونەركاسىبىنىڭ ينۆەستيتسيالىق پورتفەل قۇنى 57,6 ملرد تەڭگە بولاتىن 25 جوبانى قامتيدى. ولاردى ىسكە اسىرۋ 1,1 مىڭ جاڭا جۇمىس ورنىن قۇرۋدى كوزدەيدى», دەلىنگەن «QazIndustry» اق جوبالاردى ىسكە اسىرۋعا مونيتورينگ جۇرگىزۋ, تالداۋ ديرەكتسياسى حابارلاماسىندا.
ايتا كەتەيىك, سالاعا ينۆەستيتسيا تارتۋ ماقساتىندا رەسپۋبليكالىق جانە جەرگىلىكتى دەڭگەيلەردە ارنايى-ەكونوميكالىق ايماقتار شەڭبەرىندە ينۆەستيتسيالىق پرەفەرەنتسيالار, نەسيەلەۋدىڭ جەڭىلدىكتى شارتتارى, سالىقتىق جەڭىلدىكتەر تۇرىندە مەملەكەتتىك قولداۋلار كورسەتىلەدى.
