قوقىستى سۇرىپتاۋعا كوشەدى

پاۆلودار قالاسىنىڭ اۋلا­لارىنداعى كونتەينەرلەردەن كۇنىنە مىڭداعان توننا قوقىس جينالادى. بيلىك تۇرمىس­تىق قاتتى قالدىقتاردى سۇرىپ­­تاپ, جيناۋ تاسىلىنە كوشۋ­دى ويعا الدى. بۇل ءۇشىن قالدىقتار توگىلەتىن پوليگوندا ارنايى زاۋىت قۇرۋ جوباسى باستالىپ كەتتى.

– شاھاردا ەسكى قوقىس كون­­تەينەرلەرىن ەۋروكونتەي­نەرلەرگە اۋىستىرۋ جوباسى جال­عا­سىپ جاتىر. بىلتىر قوقىس توگۋگە ارنالعان 800 ەۋروكونتەينەر ساتىپ العان ەدىك. بيىل حيمقالاشىق شا­عىن اۋدانىنان باستاپ 133 زا­مانعا ساي كونتەينەردى ورنا­لاستىردىق. بۇل ءۇشىن كونتەينەر ىدىستاردى قويۋعا ار­نال­عان الاڭدار قۇيىلدى. جىل سوڭىنا دەيىن قوسىمشا شامامەن 1 مىڭ ەۋروكونتەي­نەر ساتىپ الامىز دەگەن جوسپار بار, – دەپ مالىمدەدى قالا­لىق اكىمدىكتەن.

جاڭا قوقىس كونتەينەر­لە­رىنە «سپەتس­ماشين» جشس جاڭادان 18 قوقىس تاسيتىن ما­شينا ساتىپ العان. قا­لا­دا قوقىستى سۇرىپتاۋ زاۋى­تىنىڭ جوباسى ىسكە اسا باس­تادى. ول تۇرمىستىق قاتتى قال­دىقتار تاستالاتىن پوليگون اۋماعىندا ورنالاسادى. جوباعا سايكەس كاسىپورىندا ءتۇستى جانە قارا مەتالدار, كارتون, پوليەتيلەن, پلاستيك قالدىقتارى, رەزەڭ­كە, اعاش, توقىما-ماتا ونىمدەرى, شىنى قال­دىقتارى جەكە-جەكە جينالادى.

وسىدان بىرنەشە جىل بۇ­رىن شاھار بيلىگى قالا تۇر­­عىندارىنا جاقىن ارادا قوقىستى بولەك-بولەك جيناۋ ءادىسى ەنگىزىلەدى دەپ ۋادە ەتكەن. ولاردىڭ جوسپارىنشا سۇرىپتالىپ الىنعان قۇرعاق قالدىقتار مەن پلاستيكتەر قايتا وڭدەلىپ, ال ورگانيكا­لىق قالدىقتار جويىلۋعا ءتيىس ەدى. الايدا بەلگىسىز سەبەپ­تەر­مەن جوبا ءسوز جۇزىندە قالىپ قويدى. ارنايى باعدارلا­ما دا بولماي, بۇل جۇمىستى كەزىندە «وپەراتور روپ» كومپانياسى جۇرگىزەدى دەگەن سىبىس تا شىققان. وسىلاي­شا, بۇگىندە پاۆلوداردا ەۋرو­كونتەينەرلەر مەن ەۋروپالىق ستاندارتتاعى ارنايى قوقىس كولىكتەرى بار دا, ەۋروپا­لىق ادىسپەن قوقىس جيناۋ, وڭدەۋ ءىسى جوق. الداعى ۋاقىتتا جوبا تولىققاندى جۇزەگە اسادى دەگەن سەنىم زور.

وڭىرلىك جەر قويناۋىن پايدالانۋ, قور­شاعان ورتا جانە سۋ رەسۋرستارى باس­قار­ماسىنىڭ مالىمەتىنشە, قا­زىرگى ۋاقىتتا وبلىس­تاعى بىر­نەشە ەلدى مەكەن پوليگوندار قۇرى­لىسىنىڭ جوبالىق-سمە­تالىق قۇجاتتارىن كە­شەندى ساراپتامادان وتكىزىپ جاتىر. اتاپ ايت­قاندا, تەرەڭ­كول, ەرتىس, باياناۋىل, ماي­قا­­يىڭ كەنتتەرىندە بۇعان ماڭىز بەرىلگەن. باس­قار­ما باسشىسىنىڭ ورىنباسارى ديار قا­يىر­كەنوۆتىڭ ايتۋىنشا, ولار كەيىننەن قول­دانىستاعى پوليگونداردى رە­كۋلتيۆاتسيالاۋ ارقىلى قات­تى تۇرمىستىق قالدىقتار پو­ليگوندارىن قۇرۋدى كوزدەپ وتىر. سونىمەن قاتار وبلىس اكىمدىگىنىڭ جوبالار پۋلىنا پاۆلودار قالاسىندا قال­دىق­تاردى وڭدەۋ كەشەنىنىڭ قۇرى­لىسى ەنگىزىلدى.

– قالالار مەن اۋدانداردا كونتەينەرلەردى ساتىپ الۋ, ورناتۋ جۇمىستارى ۇزدىكسىز جۇرگىزىلىپ جاتىر. بۇگىندە ­وبلىس بويىنشا 2,5 مىڭنان ­اسا كونتەينەر ورناتىلدى. ونىڭ ىشىندە پلاستيك قالدىقتار­دى جيناۋعا ارنالعان 891 كونتەينەر, قالدىقتاردىڭ قاۋىپتى تۇرلەرىن جيناۋعا ارنالعان 200 كونتەينەر (قۇرامىندا سىناپ بار شامدار ءۇشىن) بار. پاۆلودار, اقسۋ, ەكىباستۇز قالالارىندا, سونداي-اق جەتى اۋىلدىق اۋماقتا تۇرمىستىق قالدىقتاردى باسقارۋدىڭ جەكە باعدارلاماسى ازىرلەندى. بۇل ستراتەگيالارعا قاتتى تۇر­مىستىق قالدىقتار پوليگوندارىن, قايتالاما شيكىزات­تى جيناۋ پۋنكتتەرىن سالۋ, قات­تى تۇرمىستىق قالدىقتاردى سۇرىپتاۋ مەن وڭدەۋگە ار­نالعان جابدىقتاردى الۋ, جاڭا كونتەينەرلەر مەن قو­قىس شى­عاراتىن كولىكتەر ساتىپ الۋ كىرەدى, – دەيدى باسقار­ما وكىلى.

پاۆلودار وبلىسى