كوكپار
كوپاردان قازاقستان قۇراماسى ىرىكتەۋ كەزەڭىندە وزبەكستان شاباندوزدارىمەن كىم مىقتىنى انىقتايدى.
ءداستۇرلى ساداق اتۋ
سونداي-اق «ارعىماق» ات-سپورت كەشەنىندە ءداستۇرلى ساداق اتۋدان جارىس باستالادى. 33 مەملەكەتتەن 183 سپورتشى باق سىنايدى. قازاقستان قۇراماسى ساپىنان 10 سپورتشى قاتىسادى.
جارىس ءۇش ءتۇرلى نىسانا نەگىزىندە وتكىزىلەدى. ولار:
- پۋتا نىساناسى 70/60 مەتر (9 وقتان 7 مۇمكىندىك);
- قالقان نىساناسى 60/50 مەتر (7 وقتان 7 مۇمكىندىك);
- جامبى نىساناسى 30 مەتر (5 وقتان 5 مۇمكىندىك) جانە كوماندالىق جارىس (30 مەتر).
اۋدارىسپاق
استانا قالاسىندا يپپودروم ماڭىنداعى ەتنواۋىلدا وتەتىن اۋدارىسپاقتان كوشپەلىلەر ويىندارىنا 9 مەملەكەتتەن, 64 سپورتشى تىركەلدى. ولار: قازاقستان, قىرعىزستان, وزبەكستان, موڭعوليا, تۇركيا, ۆەنگريا, قىتاي, اقش جانە رەسەي.
قازاقستان نامىسىن ەرمەك قۇرالباي, المات لاتىپبەك, دارىن وتكەلباي, ەسىمحان ءراحماتىللا, سىرىم ءىزباساروۆ جانە ءبىرجان قوساليەۆ قورعايدى.
ماس-رەستلينگ
ساحا حالقىنىڭ ۇلتتىق سپورتى ماس-رەستلينگتەن جارىسقا 31 مەملەكەتتەن 98 سپورتشى قاتىسادى. اتالعان سپورت تۇرىنە قازاقستان ۇلتتىق قۇراماسى اتىنان 8 سپورتشى سىنعا تۇسەدى.
ولار – تەمىرلان شامەت, اسىلمۇرات ءبىرىمجان, ۆلاديسلاۆ گەراسيموۆ, بەردىقۇل التاي, ەركەبۇلان ەرلان, جانسايا راحمەتۋللاەۆا, تاحمينا گوجامبەرديەۆا جانە ولگا دۋشاەۆا. ماس-رەستلينگ سپورتىنان باسەكە ەكى كۇن بويى وتەدى.
اسىق اتۋ
اسىق اتۋدان سىنعا تۇسەتىن سپورتشىلار دا جەرەبە تارتىپ, قارسىلاستارىن انىقتادى. ولار «الاۋ» مۇز ايدىنى سارايىندا باسەكەگە تۇسەدى. اسىق اتۋدان 12 مەملەكەتتەن كەلگەن 39 سپورتشى ءوزارا مىقتىنى انىقتايدى.
اسىق اتۋدان ەل نامىسىن 8 اسىق اتۋشى قورعايدى. ولار – نۇرقيسسا مولجىگىتوۆ, جومارت نۇرلانوۆ, كەرىم جازدىقباي, اماندوس ايتكۇلوۆ, پەريزات ەلەمەس, كاميلا دانياروۆا, ءسانيا اسكەر جانە كوگەرشىن دۋمان.
فينالدىق ويىندار 11 قىركۇيەكتە وتەدى.
كۋراش
«الاۋ» مۇز ايدىنى سارايىندا وتەتىن كۋراشقا 27 مەملەكەتتەن 106 سپورتشى قاتىسادى. اتالعان سپورت تۇرىنەن بالۋاندار ەرلەر اراسىندا بەس سالماقتا, ايەلدەر اراسىندا ءۇش سالماق دارجەسىندە بەلدەسەدى.
ەل نامىسىن 8 سپورتشى قورعايدى. ولار – ەرنۇر سۇلەيمەن, ايبەك قازاقباەۆ, ءنۇردىن شايمەردەن, بەكادىل شايمەردەنوۆ, مارات بايكامۋروۆ, التىناي نۇرحانوۆا, اجار سالىقوۆا جانە البينا باحيەۆا.
قازاق كۇرەسى
قازاق كۇرەسى جاقسىلىق ۇشكەمپىروۆ اتىنداعى جەكپە-جەك سارايىندا وتەدى. كوشپەلىلەر ويىندارىنا قازاق كۇرەسىنەن 41 مەملەكەتتەن 274 سپورتشى قاتىسادى. اتالمىش سپورت تۇرىنەن ەرلەر مەن ايەلدەردىڭ ارقايسىسى 8 سالماق دارەجەسىندە سىنعا تۇسەدى.
