اتموسفەرالىق فرونتالدى بولىمدەردىڭ اسەرىنەن قر اۋماعىنىڭ باسىم بولىگىندە نايزاعايمەن جاڭبىر جاۋىپ, تۇندە ەلدىڭ شىعىسىندا, وڭتۇستىك-شىعىسىندا جاۋىن-شاشىن (جاڭبىر, قار) بولادى.
باتىستا, رەسپۋبليكانىڭ ورتالىعىندا انتيتسيكلون ءالى دە جاۋىن-شاشىنسىز اۋا-رايىن ساقتايدى.
قر بويىنشا جەلدىڭ كۇشەيۋى كۇتىلۋدە, سولتۇستىكتە, شىعىستا تۇنگى جانە تاڭەرتەڭگى ساعاتتاردا تۇمان كۇتىلەدى.
تۇندە شىعىس قازاقستان وبلىسىنىڭ شىعىسىندا 2 گرادۋس ۇسىك ساقتالادى.
ۇلىتاۋ وبلىسىندا, جەتىسۋ وبلىسىنىڭ باتىسىندا, باتىس قازاقستان وبلىسىنىڭ سولتۇستىگىندە, سولتۇستىك-شىعىسىندا, قىزىلوردا وبلىسىنىڭ سولتۇستىك-شىعىسىندا, اقتوبە وبلىسىنىڭ وڭتۇستىگىندە, باتىسىندا, ورتالىعىندا, الماتى وبلىسىنىڭ سولتۇستىگىندە, قاراعاندى وبلىسىنىڭ باتىسىندا, شىعىسىندا, قوستاناي وبلىسىنىڭ وڭتۇستىگىندە جوعارى ءورت قاۋپى ساقتالادى.
قىزىلوردا, تۇركىستان, جامبىل, اتىراۋ, ماڭعىستاۋ, باتىس قازاقستان وبلىستارىندا, ۇلىتاۋ وبلىسىنىڭ وڭتۇستىگىندە, اباي وبلىسىنىڭ باتىسىندا, سولتۇستىك-باتىسىندا, وڭتۇستىگىندە, جەتىسۋ وبلىسىنىڭ سولتۇستىگىندە توتەنشە ءورت قاۋپى ساقتالادى.
