قازاقستان رەسپۋبليكاسىنىڭ 1993 جىلعى 22 قاڭتارداعى مەملەكەتارالىق باعالى قاعازدار نارىعىن رەتتەۋ تۋرالى كەلىسىمگە قاتىسۋشى بولماۋ نيەتى تۋرالى
“قازاقستان رەسپۋبليكاسىنىڭ حالىقارالىق شارتتارى تۋرالى” قازاقستان رەسپۋبليكاسىنىڭ 2005 جىلعى 30 مامىرداعى زاڭىنىڭ 18-بابىنا سايكەس قاۋلى ەتەمىن: 1. قازاقستان رەسپۋبليكاسى سىرتقى ىستەر مينيسترلىگى تاۋەلسىز مەملەكەتتەر دوستاستىعىنىڭ اتقارۋشى كوميتەتىن قازاقستان رەسپۋبليكاسىنىڭ 1993 جىلعى 22 قاڭتارداعى مەملەكەتارالىق باعالى قاعازدار نارىعىن رەتتەۋ تۋرالى كەلىسىمگە قاتىسۋشى بولماۋ نيەتى تۋرالى حاباردار ەتسىن. 2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى ماۋسىمنىڭ 16-سى. № 1000
“قازاقستان رەسپۋبليكاسىنىڭ 1993 جىلعى 22 قاڭتارداعى مەملەكەتارالىق باعالى قاعازدار نارىعىن رەتتەۋ تۋرالى كەلىسىمگە قاتىسۋشى بولماۋ نيەتى تۋرالى” قازاقستان رەسپۋبليكاسى پرەزيدەنتىنىڭ 2010 جىلعى 16 ماۋسىمداعى №1000 جارلىعىنا
تۇسىنىكتەمە
2010 جىلعى 16 ماۋسىمدا قازاقستان رەسپۋبليكاسىنىڭ پرەزيدەنتى “قازاقستان رەسپۋبليكاسىنىڭ 1993 جىلعى 22 قاڭتارداعى مەملەكەتارالىق باعالى قاعازدار نارىعىن رەتتەۋ تۋرالى كەلىسىمگە قاتىسۋشى بولماۋ نيەتى تۋرالى” №1000 جارلىققا قول قويدى. اتالعان جارلىق مەملەكەتارالىق باعالى قاعازدار نارىعىن رەتتەۋ تۋرالى كەلىسىمنەن (بۇدان ءارى – كەلىسىم) شىعۋ ماقساتىندا ازىرلەندى. كەلىسىمگە 1993 جىلعى 22 قاڭتاردا مينسك قالاسىندا تاۋەلسىز مەملەكەتتەر دوستاستىعىنىڭ (بۇدان ءارى – تمد) ون قاتىسۋشى مەملەكەتى قول قويدى جانە كەلىسىمنىڭ تاراپتارى بولىپ تابىلاتىن تمد-عا قاتىسۋشى مەملەكەتتەردەگى مەملەكەتىشىلىك راسىمدەر اياقتالماۋى سەبەپتى وسى ۋاقىتقا دەيىن كۇشىنە ەنگىزىلگەن جوق. رەسەي فەدەراتسياسى تمد-نىڭ اتقارۋشى كوميتەتىن كەلىسىمگە قاتىسۋشى بولماۋ نيەتى تۋرالى حاباردار ەتتى, ۋكراينا دا مەملەكەتىشىلىك راسىمدەردى ورىنداۋدى قويا تۇرۋ نيەتى تۋرالى حاباردار ەتتى. قازىرگى ۋاقىتتا ولاردىڭ اياسىندا وسى كەلىسىم ازىرلەنگەن تمد-عا قاتىسۋشى مەملەكەتتەر قارجى نارىعىنىڭ جۇمىس ىستەۋ شارتتارىنىڭ وزگەرۋى سەبەپتى (رۋبل اۋماعىنان شىعۋ, باعالى قاعازدار نارىعى دامۋىنىڭ ءار ءتۇرلى دەڭگەيى) كەلىسىم ءوزىنىڭ وزەكتىلىگىن جوعالتتى. قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى.
