ولار 34 تەلەفوندى سوتتالعاندارعا ارنالعان تاماققا جاسىرىپ, قاراعاندى كولونياسىنا وتكىزبەك بولعان.
№62 مەكەمە قىزمەتكەرلەرى سوتتالعانداردىڭ پايدالانۋىنا تىيىم سالىنعان زاتتاردى جەتكىزۋ ارەكەتىنىڭ جولىن كەستى.
ازىق-ت ۇلىك ونىمدەرىن تيەۋ كەزىندە «گازەل» كولىگى تەكسەرىلدى. ءسابىز سالىنعان قاپتاردىڭ بىرىندە ءتورت قارا ءتۇستى پلاستيك “سالەمدەمە” جاسىرىلعان. اشىلعان كەزدە 34 ۇيالى تەلەفون, 11 قۇلاققاپ, 3 فلەش-كارتا جانە 30 SIM-كارتا انىقتالدى.
وسى فاكتى بويىنشا جەزقازعان قالالىق پوليتسيا ءبولىمىنىڭ تەرگەۋ-جەدەل توبى شاقىرىلدى.
- قازىرگى ۋاقىتتا تىيىم سالىنعان زاتتاردى جەتكىزۋدىڭ يەسى مەن مەكەن-جايىن انىقتاۋ ماقساتىندا جەدەل ىزدەستىرۋ شارالارى جۇرگىزىلۋدە, - دەپ حابارلادى قاراعاندى وبلىسى جانە ۇلىتاۋ وبلىستارى بويىنشا قىلمىستىق اتقارۋ دەپارتامەنتىنىڭ ءباسپاسوز قىزمەتى.
