قازىرگى تاڭدا قازاقستان الدىندا بىرنەشە ماڭىزدى مىندەت تۇر: ەكونوميكانى ءارتاراپتاندىرۋ, شيكىزاتقا تاۋەلدىلىكتى ازايتۋ, تەحنولوگيالىق تاۋەلسىزدىكتى كۇشەيتۋ, عىلىم مەن يننوۆاتسيانى دامىتۋ, ينجەنەرلىك جانە IT سالالارىن جاڭا دەڭگەيگە كوتەرۋ. بۇل مىندەتتەردى ورىنداۋ ءۇشىن ەڭ الدىمەن ساپالى ادامي كاپيتال قاجەت. ال «سيريۋس − قازاقستان» جوباسى ءدال وسىنداي جاڭا بۋىن ماماندارىن دايىنداۋعا نەگىز بولادى.
«سيريۋس» مەكتەپتەرىندە «ادال ازامات» تاربيە باعدارلاماسى وقىتىلادى
جوبانىڭ تاعى ءبىر ماڭىزدى ارتىقشىلىعى – وقۋشىلاردى ەرتە جاستان زەرتتەۋ مادەنيەتىنە, اناليتيكالىق ويلاۋعا جانە ناقتى ماسەلەلەردى شەشۋگە ۇيرەتۋى. كوپ جاعدايدا ءداستۇرلى ءبىلىم بەرۋ جۇيەسى تەورياعا كوبىرەك كوڭىل بولەدى. ال بۇل جوبا تاجىريبەلىك جانە جوبالىق جۇمىستارعا باسىمدىق بەرەدى. وقۋشىلار عىلىمي زەرتتەۋلەر جۇرگىزىپ, ينجەنەرلىك شەشىمدەر ۇسىنىپ, زاماناۋي تەحنولوگيالارمەن جۇمىس ىستەۋدى ۇيرەنەدى. بۇل بولاشاقتا ولاردىڭ حالىقارالىق دەڭگەيدە باسەكەگە قابىلەتتى مامان بولىپ قالىپتاسۋىنا مۇمكىندىك بەرەدى.
الماتىدا «سيريۋس» مەكتەبى مەن ءبىلىم بەرۋ ورتالىعىنىڭ ىرگەتاسىن قالاۋ ءراسىمى ءوتتى
سونىمەن قاتار جوبا وڭىرلىك ءبىلىم تەڭسىزدىگىن ازايتۋعا دا ىقپال ەتۋى مۇمكىن. قازاقستاننىڭ ءار ايماعىندا تالانتتى بالالار بار, بىراق ولاردىڭ بارلىعى بىردەي ساپالى ءبىلىم مەن زاماناۋي رەسۋرستارعا قول جەتكىزە المايدى. جوبا وسىنداي وقۋشىلارعا جاڭا مۇمكىندىك اشىپ, ولاردىڭ قابىلەتىن دامىتۋعا جاعداي جاسايدى. بۇل الەۋمەتتىك ادىلدىك پەن بىلىمدەگى تەڭ مۇمكىندىكتىڭ ماڭىزدى كورىنىسى.
مەنىڭشە, بۇل مەكتەپتەردىڭ ەلىمىزدىڭ ءبىلىم جۇيەسىنە اسەرى وتە ۇلكەن بولادى. بىرىنشىدەن, ولار جاڭا ءبىلىم ستاندارتتارىن قالىپتاستىرادى. ياعني, باسقا مەكتەپتەر دە وسى تاجىريبەگە قاراپ, وقىتۋ تاسىلدەرىن جاڭارتا باستايدى. ەكىنشىدەن, مۇعالىمدەردىڭ كاسىبي دەڭگەيىن كوتەرۋگە ىقپال ەتەدى. ويتكەنى جوبا اياسىندا حالىقارالىق تاجىريبە, جاڭا ادىستەمەلەر مەن زاماناۋي پەداگوگيكالىق تەحنولوگيالار ەنگىزىلەدى. ۇشىنشىدەن, مەكتەپتەر اراسىندا باسەكەلەستىك ارتىپ, ءبىلىم ساپاسىنا دەگەن تالاپ كۇشەيەدى.
ءزۇلفيا تورەبەكوۆا,
ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى
