فوتو: اقوردا
مەملەكەت باسشىسىنىڭ ايتۋىنشا, قازاقستان مەن رەسەيدە ەكى ەلدىڭ مادەنيەت كۇندەرى تۇراقتى تۇردە ۇيىمداستىرىلىپ, ءىس-شارالار كەڭىنەن وتكىزىلىپ كەلەدى.
«قازاقستان مەن رەسەيدە ەكى ەلدىڭ مادەنيەت كۇندەرى تۇراقتى تۇردە ۇيىمداستىرىلىپ, حالىقتارىمىزدىڭ باي رۋحاني مۇراسىن پاش ەتەتىن ءىس-شارالار كەڭىنەن وتكىزىلەدى. ەكى ەل تاريحشىلارى مەن ساياساتتانۋشىلارىنىڭ پىكىرتالاس الاڭدارىندا باس قوسۋى دا يگى داستۇرگە اينالدى. بيىل ءۇشىنشى قازاقستان – رەسەي مەديافورۋمى وتەدى. بۇل جيىن اقپاراتتىق ىقپالداستىقتى قالىپتاستىرۋعا مۇمكىندىك بەرەدى. مۇنداي الاڭدار حالىقتارىمىزدىڭ اراسىنا سىنا قاعاتىن جالعان اقپاراتقا قارسى ءىس-قيمىل بويىنشا تاجىريبە الماسۋعا قاجەت. بيىل شىلدە-تامىز ايلارىندا استانادا ءۇشىنشى «بولاشاق ويىندارىن» تابىستى وتكىزۋگە دەن قويىپ وتىرمىز», دەدى قاسىم-جومارت توقاەۆ.
سونداي-اق قاسىم-جومارت توقاەۆ ءبىلىم سالاسىنداعى جوبالارعا توقتالدى.
ء«بىلىم سالاسىنداعى بىرلەسكەن جوبالارعا ارنايى توقتالعىم كەلەدى. قازاقستاندا «سيريۋس» تالانتتارى ەكى رەت كەزدەستى. ياعني جاڭا بۋىن ماماندارىن دايارلاۋ ءۇشىن دارىندى جاستارعا جۇيەلى تۇردە قولداۋ كورسەتىلەدى. بيىل قاڭتار ايىندا الماتىدا «سيريۋس» ورتالىعى بوي كوتەرەتىن جەرگە العاشقى كاپسۋلانى سالۋ ءراسىمى ءوتتى. جاڭا عانا ءبىز استانادا ءدال وسىنداي ءىس-شاراعا كۋا بولدىق. «سيريۋس» ورتالىعىنىڭ ءبىلىم بەرۋ جوبالارى گۋمانيتارلىق سالاداعى ماقتان تۇتار باستامامىزعا اينالىپ, ەكى ەلدىڭ زياتكەرلىك قۋاتىن ارتتىرۋعا زور ۇلەس قوسارى انىق», دەدى پرەزيدەنت.
قاسىم-جومارت توقاەۆ رەسەي تاراپىمەن كەلىسسوزدەردىڭ قالاي وتكەنىن ايتىپ بەردى
