- اتموسفەرالىق فرونتالدى بولىكتەردىڭ اسەرىنەن قازاقستان اۋماعىنىڭ باسىم بولىگىندە كۇن رايى بۇزىلادى: نايزاعاي ويناپ, جاڭبىر جاۋادى, ەلىمىزدىڭ شىعىسىندا, وڭتۇستىك-شىعىسىندا تۇندە قاتتى جاۋىن-شاشىن (جاڭبىر, قار) بولادى, كۇندىز دە جاڭبىر جاۋادى. قازاقستان بويىنشا تىركەلگەن ورتاق تابيعي قۇبىلىس - جەلدىڭ ەكپىن الۋى, شىعىستا تۇندە جانە تاڭەرتەڭ تۇمان بولادى. تۇندە شىعىس قازاقستان وبلىسىنىڭ شىعىسىندا, قاراعاندى وبلىسىنىڭ سولتۇستىگىندە, شىعىسىندا توپىراق بەتى قاتىپ, ۇسىك جۇرەدى: سىناپ باعانى 2 گرادۋس سۋىقتى كورسەتەدى دەپ كۇتىلەدى, دەپ جازدى"قازگيدرومەت" رمك.
بولجامعا سايكەس, ۇلىتاۋ, جەتىسۋ وبلىستارىندا, باتىس قازاقستان وبلىسىنىڭ باتىسىندا, سولتۇستىگىندە, قىزىلوردا ءوڭىرىنىڭ سولتۇستىك-شىعىسىندا, اقتوبە وبلىسىنىڭ وڭتۇستىك, باتىس, ورتالىق بولىگىندە, الماتى وبلىسىنىڭ سولتۇستىگىندە, قاراعاندى ءوڭىرىنىڭ باتىسىندا, شىعىسىندا, قوستاناي وبلىسىنىڭ وڭتۇستىگىندە ءورت قاۋپى جوعارى بولادى.
قىزىلوردا, تۇركىستان, جامبىل, اتىراۋ, ماڭعىستاۋ, باتىس قازاقستان وبلىستارىندا, ۇلىتاۋ ءوڭىرىنىڭ وڭتۇستىگىندە, اباي وبلىسىنىڭ باتىسىندا, سولتۇستىك-باتىسىندا, جەتىسۋ ءوڭىرىنىڭ وڭتۇستىگىندە, سولتۇستىگىندە توتەنشە ءورت قاۋپى ساقتالادى.
