فوتو: ۇكىمەتتىڭ ءباسپاسوز قىزمەتى
پرەمەر-مينيستر ستەپنوگورسك قالاسىندا ورنالاسقان ەلىمىزدەگى ەڭ ءىرى جىلىجايلاردىڭ ءبىرىنىڭ وندىرىستىك قۋاتىمەن تانىسىپ, شىعارىلاتىن ءونىم تۇرلەرىن قاراپ شىقتى. ينۆەستيتسيالىق جوبا 2010 جىلى «قازاگروقارجى» اق قولداۋىمەن ىسكە قوسىلدى جانە اقمولا وبلىسىنىڭ وڭىرلىك يندۋستريالاندىرۋ كارتاسىنا ەنگىزىلگەن.
بۇگىنگى تاڭدا جىلىجاي كەشەنىنىڭ اۋدانى 4,8 گەكتاردى قۇرايدى, وندىرىستىك قۋاتى – جىلىنا 2400 توننا كوكونىس. ءوندىرىس جىل بويى ەلوردانىڭ جاڭا پىسكەن قيار, قىزاناق جانە اسكوككە دەگەن قاجەتتىلىگىن قامتاماسىز ەتەدى. سونىمەن قاتار ونىمدەر ەلىمىزدىڭ باسقا ايماقتارىنا ساتىلادى. بيىلعى ءساۋىر ايىندا جوبانىڭ ەكىنشى كەزەگى ىسكە قوسىلدى, ونىڭ شەڭبەرىندە جاڭا كوكونىس داقىلدارىن, اتاپ ايتقاندا بايالدى ءوسىرۋ قولعا الىندى.
«قازاقستاننىڭ جىلىجاي تەحنولوگيالارى» جشس باس ديرەكتورى الەكساندر گريبالەۆ تاياۋ بولاشاقتا جىلىنا 50 تونناعا دەيىن قۇلپىناي ءوسىرۋ ءبولىمىن سالۋ جوسپارلانىپ وتىرعانىن ايتتى. وسىعان بايلانىستى وندىرىستىك سيپاتتاعى بىرقاتار ماسەلە, سونىڭ ىشىندە جىلىجاي كەشەنىنىڭ قۋاتىن كەڭەيتۋ تۋرالى ايتىلدى.
ۇكىمەت باسشىسى كاسىپورىننىڭ ەلوردانىڭ اينالاسىندا ازىق-ت ۇلىك بەلدەۋىن قالىپتاستىرۋ بويىنشا جۇرگىزىپ جاتقان جۇمىسىنىڭ ماڭىزىن اتاپ ءوتىپ, بەيىندى مينيسترلىكتەرگە ەكسپورتتىق الەۋەتتى اشۋ ءۇشىن وتاندىق وندىرۋشىگە قاجەتتى جاردەم كورسەتۋدى تاپسىردى.
مۇندا ۇكىمەت باسشىسىنا قالانىڭ سپورت ستاديونىن رەكونسترۋكتسيالاۋ جوسپارى تۋرالى باياندالدى. نىسان اپاتتى جاعدايدا تۇر. جوباعا سايكەس, جۇگىرۋ جولاعى, جاساندى جابىن جانە الاڭدى جىلىتۋ جۇيەسى جاڭارتىلادى. ءبىر تريبۋنا, ترەناجەر زالى, تير مەن كيىم اۋىستىراتىن بولمەنى جوندەۋ جوسپارلانعان. جاڭا فۋتبول الاڭىنىڭ قۇرىلىسى قاراستىرىلعان. بريگادالار قۇرىلىستى بولشەكتەۋگە وسى جىلدىڭ قازان ايىندا كىرىسەدى. قۇرىلىستى 2025 جىلدىڭ ەكىنشى توقسانىندا باستاپ, 2026 جىلدىڭ جازىنا قاراي پايدالانۋعا بەرۋ كوزدەلگەن. «التىنالماس» كومپانياسى بيزنەستىڭ الەۋمەتتىك ارىپتەستىگى شەڭبەرىندە تەحنيكالىق تەكسەرۋدى, جوبانى ازىرلەپ, رەكونسترۋكتسيالاۋدى ءوز موينىنا الدى.
پرەمەر-مينيستر ينفراقۇرىلىمدى جاڭعىرتۋدىڭ ماڭىزىن اتاپ ءوتىپ, ۇكىمەتتىڭ الەۋمەتتىك جاۋاپكەرشىلىك اياسىندا بيزنەسكە جوبالاردى جۇزەگە اسىرۋ ءۇشىن قاجەتتى قولداۋ كورسەتۋگە دايىن ەكەنىن اتاپ ءوتتى.
سونىمەن قاتار جۇمىس ساپارى اياسىندا ۇكىمەت باسشىسى ستەپنوگورسك پودشيپنيك زاۋىتىنىڭ قىزمەتىمەن تانىستى. كاسىپورىن ەلدەگى پودشيپنيكتەردىڭ 100%-ىن وندىرەدى جانە ماشينا جاساۋ مەن باسقا دا سالالاردىڭ دامۋىندا ماڭىزدى ءرول اتقارادى. 2 مىڭنان استام ادام جۇمىسپەن قامتىلعان. زاۋىت بىلتىر 20,2 مىڭ توننا, وسى جىلدىڭ 7 ايىندا 16,3 مىڭ توننا پودشيپنيك شىعاردى. بۇل رەتتە جوبالىق قۋاتى جىلىنا 1,7 ملن پودشيپنيككە جەتەدى. وندىرىستىك جەلىنى قاراپ شىققاننان كەيىن ولجاس بەكتەنوۆ كاسىپورىننىڭ جۇكتەمەسىن ودان ءارى ۇلعايتۋ قاجەتتىلىگىنە نازار اۋداردى, سونداي-اق ينۆەستيتسيالار تارتۋعا, قوسىمشا جۇمىس ورىندارىن قۇرۋعا جانە ستەپنوگورسك پەن ونىڭ ماڭىندا تەحنولوگيالىق ورلەۋدى جەدەلدەتۋگە ىقپال ەتەتىن ءوندىرىس اينالاسىندا ونەركاسىپ كلاستەرىن قۇرۋ كەلەشەگىن اتاپ ءوتتى.
كاسىپورىن جۇمىسىمەن تانىسۋ بارىسىندا قىزمەتكەرلەر اكتيۆىمەن كەزدەسۋ وتكىزىلدى. ءوندىرىستى تەرەڭدەتۋ, وتكىزۋ نارىعىن يگەرۋ ماسەلەلەرى تالقىلاندى. ەنەرگيامەن قامتاماسىز ەتۋ دەڭگەيىنە جانە ت. ب. نازار اۋدارىلدى. پرەمەر-مينيستر مەن ۇكىمەتتىك دەلەگاتسيا مۇشەلەرى قاجەتتى جاۋاپتارىن بەرىپ, تۇسىندىرمە جۇرگىزدى.
«ونەركاسىپتى دامىتۋ جانە جاڭا كاسىپورىنداردى ىسكە قوسۋ ءۇشىن تۇراقتى ەنەرگيا بەرۋ ماڭىزدى. ءبىز وندىرگەننەن قاراعاندا كوپ تۇتىنامىز, سوندىقتان ەنەرگيانى ساتىپ الۋعا ءماجبۇرمىز. بۇل تاپشىلىق جىلدان جىلعا ۇنەمى ءوسىپ وتىرادى. بىزگە ەلەكتر ەنەرگياسىنىڭ سەنىمدى كوزدەرى قاجەت. كۇن, سۋ, جەل بالامالى قۋات كوزدەرىن دامىتۋعا بولادى دەپ ايتاتىندار بار, ءبىز دە ونى دامىتىپ جاتىرمىز, بىراق ولار قاجەتتى تۇراقتىلىقتى بەرمەيدى, تەك قوسىمشا ەنەرگيا كوزىنە اينالۋى مۇمكىن. اتوم ەنەرگەتيكاسىن دامىتۋ ەنەرگيا جۇيەسىنىڭ تۇراقتىلىعىن قامتاماسىز ەتە الادى. سونىمەن قاتار بىزدە ءوزىمىزدىڭ شيكىزات بار, كادرلار بار», دەپ اتاپ ءوتتى ولجاس بەكتەنوۆ.
ەنەرگەتيكا ءمينيسترى الماسادام ساتقاليەۆ زاماناۋي اتوم ستانسالارى ەڭ جوعارى قاۋىپسىزدىك شارالارىنا سايكەس سالىنىپ جاتقانىن ايتتى.ء وز كەزەگىندە كاسىپورىن ۇجىمى مەملەكەت باسشىسىنىڭ جولداۋىندا ايتىلعان, ونىڭ ىشىندە بيزنەستى قولداۋ, اەس سالۋ بويىنشا جۇرگىزىلىپ جاتقان جۇمىستار مەن باستامالارعا قولداۋ ءبىلدىردى.
