فوتو:وقۋ-اعارتۋ مينيسترلىگى
ايتا كەتەيىك, وتىنىشتەردى قابىلداۋ 2024 جىلدىڭ 20 قىركۇيەگىنە دەيىن جالعاسادى. وليمپياداعا اۋىل مەكتەپتەرىنىڭ 9-11(12) سىنىپ وقۋشىلارى قاتىسا الادى.
وليمپيادا ءتورت كەزەڭنەن تۇرادى:
- I كەزەڭ (ىرىكتەۋ) – 2024 جىلدىڭ قىركۇيەگى;
- II كەزەڭ (اۋداندىق) – 2024 جىلدىڭ قازانى;
- III كەزەڭ (وبلىستىق) – 2024 جىلدىڭ قاراشاسى;
- IV كەزەڭ (رەسپۋبليكالىق) – 2024 جىلدىڭ جەلتوقسانى.
مينيسترلىك وليمپيادانىڭ وتكەن جىلعى جەڭىمپازدارى پاندەر سايكەستىگى بويىنشا بيىلعى وليمپيادانىڭ رەسپۋبليكالىق كەزەڭىنە بارلىق كەزەڭدەرگە قاتىسۋ شارتىن ساقتاي وتىرىپ, كونكۋرستان تىس قاتىسا الاتىنىن حابارلادى.
ءبىلىم سايىسىنا قاتىسۋعا نيەت بىلدىرۋشىلەر auyl.daryn.kz سايتىندا تىركەلۋى قاجەت.
ەسكە سالا كەتەيىك, اۋىل مەكتەپتەرىنىڭ وقۋشىلارىنا ارنالعان جالپى ءبىلىم بەرەتىن پاندەر بويىنشا رەسپۋبليكالىق وليمپيادا العاش رەت وتكەن وقۋ جىلىندا قر وقۋ-اعارتۋ مينيسترلىگىنىڭ باستاماسىمەن وتكىزىلدى. ول قازاقستاننىڭ شالعاي ەلدى مەكەندەرىندەگى دارىندى جانە تالانتتى بالالاردىڭ قابىلەتتەرىن انىقتاۋعا جانە دامىتۋعا باعىتتالعان. وليمپيادانىڭ ءبىرىنشى جىلىنىڭ قورىتىندىسى بويىنشا اۋىل وقۋشىلارىنىڭ جۇلدەلى ورىندارعا يە بولۋ كورسەتكىشى 8 ەسەگە ارتقان.
سونىمەن قاتار وليمپيادا بارىسىندا اۋىل مەكتەپتەرىنىڭ وقۋشىلارىنا تولىق قولداۋ كورسەتىلىپ, ولار الداعى زياتكەرلىك جارىستارعا دايىندالۋ ءۇشىن رەسپۋبليكالىق «دارىن» مەكتەبىنە سىرتتاي قابىلدانادى.
