قوعام ۇسىنىسى قولداۋ تابادى دەپ سەنەمىز

ايتۋىنشا, كوپتەگەن تۇر­عىن بۇل ىس­كە تۇ­سىنىس­تىكپەن قاراعا­نى­مەن, كەيبىر قىرىن قارايتىندار دا جەتەرلىك. ايماقتا پەتروۆكا, پو­كروۆكا, نيكولاەۆكا, بو­گو­ليۋبوۆو, سپاسسوۆكا, ني­كولسك, سۆيا­تودۋحوۆكا سياقتى ءدىني, پۋ­لەمەتوۆكا, پارتيزان, كومين­تەرن, پيونەر, كومسومول سياقتى توڭ­كەرىس ۇعىمدارىن جانە ونى جاساعان چاپاەۆ, لەنين, كۋيبىشەۆ, كيروۆ سياقتى, اتاۋلار سامساپ تۇر.

«قازاق ءتىلى» قوعامىنىڭ بەل­سەندىلەرى الدىندا جاسالعان جۇمىس تۋرالى ەسەپ بەرگەن جا­نات مۇحامەدجانوۆ وبلىس اكىمىنىڭ جاڭا تاعايىندالعان الەۋ­مەتتىك ماسەلەلەردى باقى­لايتىن ورىنباسارى ءجۇسىپ جۇماعۇلوۆقا وسى ماسەلەلەردى جەتكىزىپ, ونى شە­شۋ بويىنشا ۇسىنىس جاساي­تىنىن ايتتى.

جيىنعا قاتىسۋشىلاردىڭ ءبارى بۇل ۇسىنىستى ءبىراۋىزدان قول­دادى. سونىمەن بىرگە ول پرە­زيدەنت قاسىم-جومارت توقاەۆقا وبلىس اتاۋىن «قىزىلجار» دەپ اتاۋدى ۇسىنىس حات رەتىندە جولداۋدىڭ ماڭىز­دىلىعىن ايتتى.

قازىر سولتۇستىك قازاقستاندا «قازاق ءتىلى» قوعامىنىڭ فيليالى – مەملەكەتتىك ءتىلدىڭ دامۋىنا قىزمەت ەتىپ جۇر­­گەن بىردەن-ءبىر قوعامدىق ۇيىم. ونىڭ ءتۇرلى ۇسىنىسى مەن پىكىرىن, وكىنىشكە قاراي, جەر­گىلىكتى بيلىكتەگى مەملەكەتتىك ءتىلدى بىلمەيتىن شەنەۋ­نىكتەر ەلەمەۋگە, كوزگە ىلمەۋگە تىرىسىپ, كەيدە ءتىپتى كەدەرگىلەر جاساپ باعادى. «قازاق ءتىلى» قوعامىنىڭ جۇمىسىن قولدار دەگەن بار ءۇمىت اكىمنىڭ جا­ڭادان تاعايىندالعان الەۋمەتتىك ماسەلەلەر جونىندەگى ورىنباسارىندا. قوعام بەلسەندىلەرى ونىڭ قابىلداۋىنا جازىلايىق دەگەن شەشىمگە كەلدى.

پەتروپاۆل