جاس ىزدەنۋشىنىڭ تابىسى

بۇگىندە جاس ىزدەنۋشى گەوگرا­فيالىق اق­پا­رات­تىق جۇيەلەرى ارقىلى جاساعان تاكتيلدى ما­كەتىن ارنايى سىناقتان وتكىزىپ, ماماندار تاراپىنان جوعارى باعاسىن العان. جالپى, كورۋ قابىلەتى تومەن ادامدار ارنايى ءبىلىم الۋ ءۇشىن برايل قارپىن قول­دا­نادى. مۇندا الفاۆيت نۇك­تەلەر ارقىلى ورنالاسقان. ىزدەنىمپاز ستۋدەنت ديپلومدىق جۇمىسىنا وسى برايل قارپىن نەگىزگە العان. ارىپتەردى بەلگىلەۋ ءۇشىن التى نۇكتەنى قولدانىپ, بۇل نۇكتەلەردى ەكى قاتارعا ور­نالاستىرعان. نۇك­تەلەر قاعاز بەتىنە بىرنەشە ميلليمەترگە شىعىپ تۇرادى. وسى نۇكتەنى سيپالاپ, ءارىپتى تانيدى.

امەريكالىق «Esri» كومپا­نياسى شىعارعان «ArcGis» باع­دارلاماسىنىڭ ەرەكشەلىگى – كارتوگرافيا باعىتىنداعى كارتالاردى تسيفرلاندىرادى. وندا اقپاراتتى ەكى تاسىلمەن كورسەتەدى: راسترلىق جانە ۆەكتورلىق دەرەكتەرمەن. دارىندى جاس ءوز جۇمىسىندا اتالعان ەكى ءتاسىلدى بىرىكتىرگەن. الدىمەن, تاكتيلدىك كارتالاردى جاساۋ ءۇشىن كارتالار تۋرالى قىسقاشا دەرەك بەرىپ, ونى قۇراستىرۋدىڭ ەرەكشەلىگى مەن تالاپتارىن تانىستىرعان. ناتيجەسىندە, كورۋ قابىلەتى تومەن ازاماتتارعا ارنالعان كارتالاردا بىرنەشە ەرەكشەلىكتى انىق كورسەتكەن. نەگىزگى جۇمىس «ArcGis-تە» ورىندالدى. تاكتيلدىك كارتانى ازىرلەۋگە الماتى قالاسىنداعى ءتورت كوشەنىڭ قيىلىسى تاڭداپ الىندى. نىساندار قاتارىنا ق.ساتباەۆ اتىنداعى قازۇتزۋ كورپۋستارى, «فورۋم» ساۋدا ورتالىعى, بىرنەشە جاتاقحانا مەن فۋتبول الاڭى جانە مە­ديتسينالىق ورتالىعى كىردى. «Sketchup» باعدارلاماسى بو­يىنشا 3D-مودەل جاسالدى. بۇل مودەل وسى سىناق ماكەتىن دا­يىنداۋ ءۇشىن ازىرلەنگەن. بىرنەشە ماتەريالدان تۇراتىن ماكەت دا­يىندالدى. ماكەت كورۋ قابىلەتى تومەن جاندارعا وتە ىڭعايلى. ماكەتتىڭ نەگىزگى ەرەكشەلىگى – ونىڭ تانىمدىق جۇمىسقا ارنالىپ وتىرعانى. وندا قازۇتزۋ كورپۋسى مەن ق.ساتباەۆ, س.سەيفۋللين, ا. بايتۇرسىن ۇلى جانە تيميريازەۆ كوشەلەرىنىڭ قيىلىسىندا ورنالاسقان باسقا دا نىساندار كورسەتىلىپ, ءار­بىر نىساننىڭ اتاۋى برايل قار­پىمەن بەلگىلەنگەن.

قازىر جاس ىزدەنۋشى ديپ­لومدىق جۇمىسىن ينكليۋزيۆتى ءبىلىم بەرۋدى قولداۋ جانە سۇيە­مەلدەۋ ورتالىعىنا تاپ­سىرعان. بولاشاقتا ونى اتال­عان ۋنيۆەرسيتەتتىڭ نەگىزگى كور­پۋسىنىڭ بىرىنە ورناتۋ كوزدەلىپ وتىر.