جولاۋشى جول اقىسىن سۇراعان قوعامدىق كولىك جۇرگىزۋشىسىنىڭ يىق تۇسىنا پىشاق سۇعىپ, ءىزىن سۋىتقان. ال جاراقات العان ازاماتقا شۇعىل وتا جاسالدى.
قولىندا سۋىق قارۋى بار 33 جاستاعى كۇدىكتىنى پوليتسەيلەر 7 كۇننەن بەرى جەر-كوكتەن ىزدەپ, ءالى تاپپاي جاتىر. ءتارتىپ ساقشىلارىنىڭ مالىمەتىنشە, ول 2010 جىلدان بەرى وبلىستىق پسيحيكالىق دەنساۋلىق ورتالىعىندا تىركەۋدە تۇرعان. بىراق ونداعى ماماندار ەمدەلۋشىنىڭ جەكە باس دەرەگىن جاريالاي المايتىندارىن جەتكىزدى.
ءبىر انىعى, ىزدەۋدەگى ازاماتتىڭ جاسىرىنعان مەكەنجايىن ايتقان ادامعا ىشكى ىستەر ورگاندارى قىزمەتكەرلەرىنىڭ قارجىلاي ءسۇيىنشىسى بار. سونداي-اق ول تابىلعانشا تۇرعىنداردى بارىنشا ساق بولۋعا شاقىرىپ وتىر.
- قازىر كۇدىكتىنىڭ بايزاق اۋدانىنىڭ 33 جاستاعى تۇرعىنى ەكەنى انىقتالدى. ونى ىزدەستىرۋ ءىس-شارالارى جالعاسىپ جاتىر, – دەدى جامبىل وبلىسىنىڭ پد رەسمي وكىلى گۇلسارا مۇحتارقۇلوۆا.
