اتالعان اۋىل تايىنشا قالاسىنان 25 شاقىرىم قاشىقتىقتا ورنالاسقان. تۇرعىنداردىڭ ايتۋىنا قاراعاندا, اۋىل تاريحى 1909 جىلدان باستالادى. بۇل ستولىپيندىك رەاكتسيا جىلدارىندا ورىس, ۋكراين شارۋالارىن قازاقستانعا شارۋاشىلىق كولونيا جاساۋ ماقساتىمەن كۇشپەن كوشىرىلگەن جىلدارى پايدا بولعان. اۋىلدىڭ قازاق تىلىندەگى توپونوميكالىق اتاۋى بار, ازىرگە ونى قالپىنا كەلتىرۋگە مۇمكىندىك بولماي تۇر.
كونستيتۋتسيا كۇنى پايدالانۋعا بەرىلگەن جاڭا عيماراتتىڭ اشىلۋىندا وبلىس اكىمى عاۋەز نۇرمۇحامبەتوۆ تايىنشا اۋدانىندا بۇدان باسقا دا بىرنەشە مەكتەپ قۇرىلىسى جۇرگىزىلىپ جاتقانىن جەتكىزدى.
«بۇل اۋدانداعى اپاتتى جاعدايدا تۇرعان ءبىلىم وشاعىنىڭ ءبىرى ەدى. ءبىز مۇنى مەملەكەتتىك ينفراقۇرىلىمدىق دامۋ قورى بويىنشا بولىنگەن قاراجاتتىڭ ەسەبىنەن قىسقا مەرزىمدە سالىپ شىقتىق. ءوز باسىم, قۇرىلىس جۇمىستارىن قىسقا مەرزىمدە ساپالى ەتىپ جۇرگىزگەن مەردىگەرگە العىسىمدى ايتامىن. قۇرىلىستى بۇعان دەيىن بىرنەشە كەلىپ, باقىلاپ كەتتىم. جاڭا عيمارات كوڭىلىمىزدەن شىعىپ وتىر», دەدى ول.
ەكىقاباتتى عيماراتتىڭ قۇرىلىسى بيىلعى مامىر ايىندا باستالىپ, تامىزدىڭ سوڭىندا اياقتالدى. ونى «زەرتتەۋ سك» قۇرىلىس كومپانياسى جۇرگىزدى. قۇرىلىس جوباسىنا 1 ملرد تەڭگە قاراجات بولىنگەن. مەكتەپ عيماراتى 120 وقۋشىعا ارنالعان. بارلىق كابينەت تالاپقا ساي جابدىقتالعان.
«قازىر مۇنداي مەكتەپ ءبىز سەكىلدى ەلدى مەكەندەردە نەكەن-ساياق. ءبىزدىڭ مىندەتىمىز –ۇكىمەتتىڭ وسىنداي قامقورلىعىنا ساي لايىقتى ەڭبەك ەتۋ. قازىر مەكتەپتە 28 مۇعالىم بار. ءبىر وكىنىشتىسى, وقۋشى سانى جىلدان-جىلعا ازايىپ بارادى. بيىل 8 بالا عانا مەكتەپ تابالدىرىعىن العاش اتتاپ وتىر», دەيدى اتالعان ءبىلىم مەكەمەسىنىڭ ديرەكتورى مۇرات كۇلەنوۆ.
ايتا كەتەيىك, بيىل سولتۇستىك قازاقستان وڭىرىندە 3 جاڭا مەكتەپ عيماراتى اشىلىپ, وندا 1 500 وقۋشى ءبىلىم الادى. سونىمەن بىرگە ەكى بالاباقشا پايدالانۋعا بەرىلەدى.
سولتۇستىك قازاقستان وبلىسى
