قوسشى قالاسى تۇرعىندارىنىڭ جىل ساناپ ءوسىپ كەلە جاتقاندىعى بەلگىلى. قالا مارتەبەسىن العان ءۇش جىلدىڭ ىشىندە ءتورتىنشى مەكتەپ اشىلىپ وتىر. قازىر ەلدى مەكەندە 8 ءبىلىم وشاعى جۇمىس ىستەپ تۇر. قازىر قالادا 11 مىڭنان استام وقۋشى بار ەكەنىن ايتا كەتسەك ارتىق بولماس.
كورگەن كوزدى سۇيسىندىرەتىن ءۇش قاباتتى زاماناۋي مەكتەپ ۇيىندە وقۋشىلاردىڭ تەرەڭ ءبىلىم الۋىنا بارلىق جاعداي جاسالعان. مۇندا 48 ءپان كابينەتى, باي كىتاپحانا بار. مەتالل, اعاش وڭدەيتىن جانە تىگىن شەبەرحانالارى قاجەتتى قۇرالدارمەن تولىق قامتاماسىز ەتىلگەن. ەكى سپورت, سالتانات زالدارى ايناداي جارقىراپ تۇر. مەكتەپ وقۋشىلارى تاماقتاناتىن كەڭ دە جارىق اسحاناسى قانداي!
جاڭا وقۋ جىلىندا ءبىلىم وشاعىنىڭ تابالدىرىعىن بەس جۇزدەن استام وقۋشى اتتاپ وتىر. ولارعا 35 ۇستاز ءتالىم-تاربيە بەرەدى. ءبىر ايتا كەتەرلىگى, جەرگىلىكتى ۇلت تىلىندە ءبىلىم بەرەتىن ءبىلىم وشاعى ەل ەرتەڭى – وقۋشىلار مەن ۇلاعاتتى ۇستازدارعا مەيلىنشە جايلى. قاۋىپسىزدىكتى ساقتاۋ ماسەلەلەرى دە ەسكەرىلگەن.
ءبىلىم وشاعى وبلىستىق بيۋدجەت ەسەبىنەن سالىنعان. قۇرىلىس جۇمىستارىن «فبك دەلو» جاۋاپكەرشىلىگى شەكتەۋلى سەرىكتەستىگى جۇزەگە اسىرىپتى. قۇرىلىسشىنىڭ قالاعىنان جاڭا شىققان ەڭسەلى عيمارات جاس تولقىننىڭ بويىنا ءبىلىم ءنارىن قاپىسىز قۇيارى ءسوزسىز.
اقمولا وبلىسى,
قوسشى قالاسى
