«ورتەكەمەن» رەكورد ورناتتى

«ورتەكە» ارنايى جا­سالعان تۇعىرعا ورناتىلىپ, دومبىراشىنىڭ ساۋساعىنا جىپپەن بايلانادى. كۇيشى اسپاپتا ويناي باستاعاندا, پەرنە باسقان ساۋساقتاردىڭ قوزعالىسىمەن قۋىرشاق تا تىقىلداپ بيلەي جونەلەدى.

بىلتىر قازاقتىڭ «ور­تەكە» ءبيى يۋنەسكو-نىڭ ما­تەريالدىق ەمەس قۇندى­لىق­تار تىزىمىنە قوسىلعان بولاتىن. بۇل دا ۇلتتىق مادەنيەتىمىزدىڭ تۋىندىلارىن الەم مويىنداي باستاعانىنىڭ كورىنىسى. «ورتەكە» بيىنەن ەل رەكوردىن ور­ناتۋ يدەياسىن پاۆلودار قالاسىنىڭ اكىمدىگى ۇسىنعان.

– «ورتەكە» ءبيىن جاس­تار اراسىندا, سونىڭ ىشىن­دە وقۋشىلارعا تانىتۋ ماق­ساتىندا كونستيتۋتسيا كۇ­نىنە وراي ءارى دۇنيەجۇزىلىك كوشپەلىلەر ويىنى قارساڭىندا 100 بالعىن دومبىراشىنى شاقىرىپ, وسىنداي يگى مادەني شارانى ۇيىمداستىردىق. بۇل جەرگە كاسىبي دومبىراشىلاردى دا تارتۋعا بولار ەدى. دەيتۇرعانمەن, تاڭداۋىمىز ونەردە جولىن ەندى باستاپ جاتقان جاس ورەندەرگە ءتۇستى. اكىمدىكتىڭ تاپسىرىس بەرۋىمەن شەبەرلەر 100 ورتەكەنى ارنايى جاساپ بەردى. بۇل بۇيىمدار كەيىن جەر­گىلىكتى مۋزىكالىق مەكتەپتەر مەن مۋزى­كا­لىق كول­لەدجگە, وزگە مەكتەپتەر مەن بالالار كلۋبتارىنداعى دوم­بىرا ۇيىر­مە­لەرىنە تاراتىپ بەرىلەدى, – دەيدى پاۆل­ودار قالاسى اكىمىنىڭ كەڭەسشىسى دا­نيار ءجۇمادىلوۆ.

جاس دومبىراشىلاردىڭ ونەرىن جەر­گىلىكتى كورەرمەن ەرتىس وزەنى جاعا­لاۋىندا ور­نالاسقان «Ertis Promenade» ساح­ناسىندا تاماشالادى. ەل رەكوردىن ورناتۋعا پاۆ­لودار قالاسىنداعى قۇر­مانعازى اتىنداعى بالالار مۋزىكا مەكتەبى, مۋزى­كالىق كوللەدج-دارىن­دى با­لالارعا ارنالعان مۋزى­كا­لىق-مەكتەپ ينتەرنات كەشە­نى, «جىگەر» بالالار-جاس­­وسپىرىمدەر كلۋ­بىنىڭ ونەر­پازدارى قاتىستى.

مۋزىكالىق كوللەدج-دارىندى بالا­لارعا ارنالعان مۋزىكالىق-مەكتەپ ينتەر­نات كەشەنىنىڭ باسشىسى سەرىك سىزدىقوۆتىڭ سوزىنشە, «ور­تەكە» – كۇيشىلىك ونەردەگى تارتىمدىلىق ءارى كورنەكىلىك ءۇشىن قولدانىلاتىن جانر.

– كۇيشىلىك ونەردە جۇرگەن شە­بەر دومبىراشىلار «ور­تەكەنى» كونەدەن بەرى شەبەر بيلەتە بىلگەن. ەكىنشى جا­­عى­نان, بالالارعا ارنال­عان شى­عارمالاردى دا­رىپ­تەۋگە تاپتىرماس ونەر ءتۇرى. حال­قىمىزدىڭ تا­بي­عات­قا جاقىندىعىن, جا­بايى جا­نۋارلارعا دەگەن قام­قور­لىعىن تانىتاتىن ەرەكشەلىگى دە بار. ءبىلىم ۇيىمدارى ونەرلى بالالاردىڭ باسىن قو­سىپ, ورتەكەلەردى بيلەتە وتىرىپ, «قا­­راجورعا», «سالكۇرەڭ», «سەكىرتپە» كۇيلەرىن ساحنادا ءساتتى ورىنداپ شىقتى. مۇن­داي رەكوردقا كوشپەلىلەر ويى­نى قارساڭىندا قول جەت­كىزىپ وتىرعانىمىزعا قۋا­نىش­­تىمىز. ەرتىستىڭ پاۆ­لودار ءوڭىرى ءۇشىن بۇل – تاريحي ءىس-شارا, – دەيدى سەرىك قا­سىمحان ۇلى.

(كينەس) قازاقستان رەكوردتار كى­تابىنىڭ رەسمي وكىلى قۋاندىق قۇداي­بەرگەنوۆ پاۆ­لودارلىقتاردى جاڭا رەكوردپەن قۇتتىقتاپ, اتالعان مەكتەپ­تەر­دىڭ وكىلدەرىنە سەرتيفيكات تابىس ەتتى.

پاۆلودار وبلىسى