فوتو:اشىق دەرەككوز
«مەملەكەت قارجىسىنىڭ تۇراقتىلىعىن قامتاماسىز ەتۋدىڭ بىردەن ءبىر جولى – كورپەگە قاراي كوسىلۋ. سوندىقتان بيۋدجەت قاراجاتىن ستراتەگيالىق ماڭىزى جوق, اسا شۇعىل ەمەس شارۋالارعا وڭدى-سولدى شاشۋدى دوعارۋ كەرەك», دەدى مەملەكەت باسشىسى.
پرەزيدەنتتىڭ بيۋدجەت قاراجاتىن وڭدى-سولدى شاشپاي,ء تيىمدى كومپەنساتسيالىق تاسىلدەر ويلاستىرۋى قاجەت ەكەنىن اتاپ ءوتتى.
«بيۋدجەتارالىق قارىم-قاتىناستى دا رەتكە كەلتىرۋ قاجەت. شاعىن جانە ورتا بيزنەستەن تۇسەتىن سالىقتى ايماقتاردىڭ وزىندە قالدىرۋ دۇرىس ءارى ۋاقتىلى قابىلدانعان شەشىم بولدى. بۇل قادام كاسىپكەرلىكتىڭ دامۋىنا ەداۋىر سەرپىن بەردى. سونىمەن قاتار اكىمدەردىڭ دەربەستىگىن ارتتىردى. الايدا كەيبىر اكىمدەر قوسىمشا كىرىس كوزىنە يە بولعان سوڭ, ونى ەلگە پايداسىز ىسكە شاشىپ, ءتيىمسىز جۇمسايتىن بولدى. اسا ماڭىزدى ەمەس مىندەتتەر مەن جوبالارعا قارجى بولە باستادى. ۇكىمەت بيۋدجەت تاپشىلىعىنىڭ ورنىن تولتىراتىن قارجى كوزىن تابۋ ءۇشىن ءتيىمدى كومپەنساتسيالىق تاسىلدەر ويلاستىرۋى قاجەت», دەدى قاسىم-جومارت توقاەۆ.
سونىمەن قاتار, مەملەكەت باسشىسى ۇلتتىق قوردىڭ رولىنە جەكە توقتالىپ, قوردىڭ قاراجاتىن مەملەكەت مۇددەسى ءۇشىن, ەلىمىزدىڭ ستراتەگيالىق ماقساتتارىن جۇزەگە اسىرۋ ءۇشىن پايدالانۋ قاجەت ەكەنىن تىلگە تيەك ەتتى.
«ەندى ۇلتتىق قوردىڭ رولىنە جەكە توقتالايىن. قوردىڭ قاراجاتىن, ەڭ الدىمەن, مەملەكەت مۇددەسى ءۇشىن, ياعني ەلىمىزدىڭ ستراتەگيالىق ماقساتتارىن جۇزەگە اسىرۋ ءۇشىن پايدالانۋ قاجەت. ۇلتتىق قور شەتەلدىك قارجى ينستيتۋتتارىنا قىزمەت ەتپەۋى كەرەك. ۇلتتىق قور – ۇزاق مەرزىمگە ارنالعان ماكروەكونوميكالىق تۇراقتىلىقتى قامتاماسىز ەتەتىن اسا ماڭىزدى قۇرال. سوندىقتان ونى ءتيىمدى باسقارۋ قاجەت», دەلىنگەن پرەزيدەنت جولداۋىندا.
