وقۋ جىلىنىڭ باستالۋىمەن انالار مەن اكەلەردىڭ كوپشىلىگى بالالارىنىڭ ءوسىپ كەلە جاتقانىن ءتۇسىنىپ, ولارعا بولاشاققا قارجىلىق نەگىز دايىنداي باستايدى.
بۇل ىستە اتا-انالارعا مەملەكەت پەن وتباسى بانك كومەكتەسەدى.
وسى جىلدان باستاپ قازاقستان پرەزيدەنتى قاسىم-جومارت توقاەۆتىڭ تاپسىرماسىمەن «ۇلتتىق قور-بالالارعا» باعدارلاماسى ىسكە قوسىلدى. ونىڭ شەڭبەرىندە ەلدىڭ ۇلتتىق قورىنىڭ جىل سايىنعى ينۆەستيتسيالىق تابىسىنىڭ 50%-ى قازاقستاندىق بالالاردىڭ 18 جاسقا تولعانعا دەيىنگى نىسانالى جيناقتاۋ شوتتارىنا ەسەپتەلەتىن بولادى. بۇل بالالاردىڭ بولاشاعىنا ۇلكەن كومەك.
وتباسى بانك - «ۇلتتىق قور-بالالارعا» باعدارلاماسىنىڭ ۋاكىلەتتى وپەراتورلارىنىڭ ءبىرى. ۇلتتىق قوردان ماقساتتى جيناقتاردى پايدالانۋعا ءوتىنىمدى enpf-otbasy.kz پلاتفورماسىندا ونلاين رەجيمىندە بەرۋگە بولادى.
قازىر بۇل مۇمكىندىكتى 14 000-عا جۋىق جاس قازاقستاندىق پايدالاندى. ولار بيىل 18 جاسقا تولدى. ياعني, ولار ەلدىڭ ۇلتتىق قورىنان بولىنگەن تولەمدەرىن تۇرعىن ءۇي جاعدايىن جاقسارتۋعا نەمەسە ءبىلىم الۋعا اقى وتەۋگە جۇمساي الادى.
ونىڭ ىشىندە 3 600 ازامات قازاقستاندىق جوعارى وقۋ ورىندارى مەن كوللەدجدەردە ءبىلىم بەرۋ اقىسىنىڭ ءبىر بولىگىن تولەۋگە جۇمساۋدى جوسپارلاپ وتىر, تاعى 51 ءوتىنىم شەتەلدە ءبىلىم بەرۋدى ءىشىنارا تولەۋ ماقساتتارىنا بەرىلدى.
ۇلتتىق قور قاراجاتىنىڭ كومەگىمەن «AQYL» دەپوزيتىن دە تولىقتىرۋعا بولاتىنى ماڭىزدى.
كوپتەگەن اتا-انالار وتباسى بانكىندە بالالارىنا وسى دەپوزيتتى الدىن-الا اشىپ, سول جەردە ءوز قاراجاتتارىن جينايدى. بولاشاقتا بالا 18 جاسقا تولعاندا ۇلتتىق قوردان تولەنەتىن تولەمدەردى ءبىلىم بەرۋ دەپوزيتىندەگى جيناقتارعا قوسۋعا بولادى. ناتيجەسىندە ۇلدارى نەمەسە قىزدارىنىڭ بىلىمىنە اقى تولەۋ ءۇشىن جەتكىلىكتى سوما جينالادى.
قازىر وتباسى بانكىندە 38 000-نان استام «AQYL» دەپوزيتى اشىلدى. ول بويىنشا مولشەرلەمە 9,5% (جتسم 9,5%-دان 10,1%-عا دەيىن) - جىلدىق 12% (جتسم 12,9%-دان 13,1%-عا دەيىن) قۇرايدى. بۇعان قوسىمشا جىل سايىن دەپوزيتكە 5% - 7% مولشەرىندە مەملەكەتتىك سىيلىقاقى ەسەپتەلەدى.
سونداي-اق ۇلتتىق قوردان تۇسكەن قاراجاتتى تۇرعىن ءۇي جاعدايىن جاقسارتۋعا باعىتتاۋعا بولادى. قازىر وتباسى بانكىندەگى دەپوزيتتەردى ماقساتتى تولەمدەرىمەن تولىقتىرعىسى كەلەتىن كامەلەتكە تولعان ازاماتتاردان تۇسكەن وتىنىمدەر سانى 9 000-نان اسادى. بۇل جاس قازاقستاندىقتار بولاشاقتا تۇرعىن ءۇي قۇرىلىس جيناق جۇيەسىنىڭ كومەگىمەن تۇرعىن ءۇي ساتىپ الۋدى جوسپارلاپ وتىرعانىن بىلدىرەدى. وتباسى بانكىندەگى دەپوزيتكە اقشا جيناي وتىرىپ, ولار تاياۋ جىلدارى «ناۋرىز» جانە «وتاۋ» باعدارلامالارىنا قاتىسىپ, ولاردىڭ كومەگىمەن باسپانا الا الادى. سونداي-اق باعدارلامادان تىس تۇرعىن ءۇي ساتىپ الۋعا بولادى. شىنىندا دا, وتباسى بانكىندەگى جيناق شوتىنداعى تۇراقتى جيناقتار قازاقستاندىقتارعا 3,5%-دان (جتسم 3,6%-دان 4,4%-عا دەيىن) 9%-عا (جتسم 9,3%-دان 11,8%-عا دەيىن) دەيىنگى مولشەرلەمەلەر بويىنشا زاەم الۋعا مۇمكىندىك بەرەدى.
ناتيجەسىندە بۇگىنگى كۇنى جولدانعان 14 000 ءوتىنىمنىڭ ىشىنەن 8 469 ءوتىنىم بويىنشا قاراجات كورسەتىلگەن ماقساتتارعا اۋدارىلدى.
ۇلتتىق قوردان قاراجاتتى ناقتى قانداي ماقساتتارعا جۇمساۋعا بولادى؟
ۇلتتىق قوردان تۇسكەن قاراجات تۇرعىن ءۇي جاعدايىن جاقسارتۋعا نەمەسە ءبىلىم الۋعا اقى تولەۋگە باعىتتالۋى مۇمكىن.
تۇرعىن ءۇي جاعدايلارىن جاقسارتۋ تومەندەگى ماقساتتاردى بىلدىرەدى:
- ءوز قاراجاتىن پايدالانۋ مۇمكىندىگىمەن تۇرعىن ءۇيدى ساتىپ الۋ;
- يپوتەكالىق قارىزدى تولىق نەمەسە ءىشىنارا مەرزىمىنەن بۇرىن وتەۋ;
- يپوتەكالىق قارىز الۋ ءۇشىن باستاپقى جارنانى ەنگىزۋ, ونىڭ ىشىندە جوندەۋ جۇمىستارىن جۇرگىزۋ;
- وتباسى بانكىندەگى دەپوزيتتى تولىقتىرۋ;
ءبىلىم بەرۋ اقىسى تولەۋگە تومەندەگى ماقساتتار جاتادى:
- «AQYL» ءبىلىم بەرۋ دەپوزيتىن تولىقتىرۋ;
- قازاقستانداعى ءبىلىم اقىسىن وتەۋ;
- باسقا ەلدەردەگى وقۋ اقىسى وتەۋ;
- وقۋ نەسيەسىن تولەۋ.
ۇلتتىق قوردىڭ قاراجاتىن پايدالانۋ ءۇشىن نە ىستەۋ كەرەك؟
1. egov.kz پورتالى ارقىلى بالانىڭ «ۇلتتىق قور-بالالارعا» باعدارلاماسىنىڭ قاتىسۋشىسى بولىپ تابىلاتىنىن تەكسەرۋ.
2. enpf-otbasy.kz پلاتفورمادا كىرۋ, ول ءۇشىن ەتسق قاجەت.
3. «ۇلتتىق قور-بالالارعا» قويىندىسىندا اشىلمالى تىزىمنەن ءتيىستى ماقساتتى تاڭداپ, اقش دوللارىنىڭ سوماسىن كورسەتۋ.
4. ءوتىنىمدى قالىپتاستىرۋ جانە ەتسق كومەگىمەن نىسانالى جيناقتاردى تولەۋگە وتىنىمگە قول قويۋ.
5. ەتسق كومەگىمەن وتىنىشكە قول قويۋ ارقىلى شەتەل ۆاليۋتاسىندا اعىمداعى شوت اشۋ.
enpf-otbasy.kz پلاتفورما ارقىلى شوت «ۇلتتىق قور-بالالارعا» باعدارلاماسىنىڭ قاتىسۋشىسى وتباسى بانكىنىڭ كليەنتى بولعان جاعدايدا عانا اشىلادى (ياعني ونىڭ دەپوزيتى بار نەمەسە بۇرىن اعىمداعى شوتى اشىلعان).
ەگەر ول بۇرىن بانك كليەنتى بولماسا, وندا جۇيە ونى «كورمەيدى». سوندىقتان ول دەپوزيت نەمەسە اعىمداعى شوت اشۋ ءۇشىن بانككە الدىن-الا جۇگىنۋى كەرەك. ول ءۇشىن بانك بولىمشەسىنە كەلۋ نەمەسە وپەراتورمەن بەينە-سەرۆيس ارقىلى بايلانىسۋ, بانكتىڭ ءموبيلدى قوسىمشاسىندا تىركەلۋ نەمەسە كونسۋلتانتتارعا حابارلاسۋ قاجەت (ولاردىڭ بايلانىستارى بانكتىڭ سايتىندا كورسەتىلگەن).
6. قالىپتاستىرىلعان ءوتىنىم بجزق-عا جىبەرىلەدى. كليەنت enpf-otbasy.kz پورتالداعى جەكە كابينەتتە ءوتىنىمنىڭ مارتەبەسىن قاداعالاپ وتىرۋى قاجەت.
7. بجزق ءوتىنىمدى ماقۇلداعان كەزدە تولەمدەر وتباسى بانكىندەگى شوتقا تۇسەدى. ءارى قاراي, كليەنت بۇرىن تاڭدالعان ماقساتتى راستايدى نەمەسە باسقاسىنا اۋىستىرادى.
8. وتباسى بانكىندە ۇلتتىق ۆاليۋتادا شوت اشۋ قاجەت (بولماعان جاعدايدا). ول ءۇشىن ەتسق كومەگىمەن ارنايى كەلىسىمگە قول قويىلادى. ۆاليۋتا تەڭگەگە ايىرباستالادى.
9. كونۆەرسيادان كەيىن تاڭدالعان ماقساتتى راستايتىن قۇجاتتاردى تىركەۋ قاجەت جانە قاراجات تاڭدالعان ماقساتقا باعىتتالادى. ول ءۇشىن ەتسق كومەگىمەن نىسانالى جيناقتاۋ تولەمدەرىن اۋدارۋ تۋرالى وتىنىشكە قول قويىلادى.
1 قىركۇيەك قارساڭىندا «AQYL» ءبىلىم بەرۋ جيناقتاۋ دەپوزيتى بالا ءۇشىن پايدالى سىيلىق بولا الادى. قازىر وعان از مولشەردە قاراجات جيناقتاي وتىرىپ, بولاشاقتا اتا-انا ۇل-قىزدارىن وقىتىپ, بالالارىنا كەمەل بولاشاق بەرە الادى. ويتكەنى, ءاربىر اتا-انا بالاسىنىڭ قارجىلىق تۇراقتىلىق جاستىعى عانا ەمەس, سونىمەن قاتار ساپالى ءبىلىمى بولۋىن ارماندايدى. ويتكەنى, بۇل بالالارعا تابىستى بولاشاققا ەسىك اشادى.
