فوتو: Pexels
ءتارتىپ بۇزۋشىلار كولىكتىڭ ەسىگىن اشىپ, پوليتسيا قىزمەتكەرلەرىنە قاتىستى بالاعات سوزدەر ايتىپ, توبەلەسۋ ءۇشىن كولىكتەن شىعۋدى تالاپ ەتكەن.
ءجاات (سوبر) قىزمەتكەرلەرى قاقتىعىستىڭ الدىن الۋعا تىرىسقان, الايدا قىلمىسكەرلەر ولارعا شىنى بوتەلكە مەن پىشاق قولدانۋ جولىمەن دەنە جاراقاتتارىن كەلتىرىپ, قىزمەتكەرلەردىڭ تابەلدىك قارۋىن يەمدەنۋگە وقتالعان, الايدا ول نيەتتەرىنە جەتە الماعان.
«جاسالعان قىلمىستىڭ اۋىرلىعىنا قاراماستان, ءبىرىنشى ساتىداعى سوتتىڭ ۇكىمىمەن تەك 2 كىنالى تۇلعا باس بوستاندىعىنان ايىرىلىپ, قالعان 3 ادامعا قاتىستى باس بوستاندىعىن شەكتەۋ جازاسى تاعايىندالعان.
قاراعاندى وبلىسى پروكۋراتۋراسىنىڭ ءوتىنىشحاتى بويىنشا اپەللياتسيالىق ساتىداعى سوت 3 سوتتالعانعا قاتىستى ۇكىمدى قايتا قارادى جانە «قاماۋدا ۇستاۋ» بۇلتارتپاۋ شاراسىن تاڭداي وتىرىپ, باس بوستاندىعىنان ايىرۋ جازاسىن تاعايىندادى», دەپ حابارلادى پروكۋراتۋرانىڭ ءباسپاسوز قىزمەتى.
ۇكىم زاڭدى كۇشىنە ەندى.
