اتالعان ينستيتۋت, ياعني KINI نەمىس ستاندارتتارى بويىنشا بولاشاق بالامالى ەنەرگەتيكا جانە جاڭارتىلاتىن رەسۋرستار سالاسىنداعى ينجەنەرلەرىن دايارلايدى.
ۇكىمەتتىڭ 2024 جىلعى 28 ماۋسىمداعى قاۋلىسىمەن ماڭعىستاۋ وبلىسىنىڭ 2021-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارى بەكىتىلدى. جوسپاردا ش.ەسەنوۆ ۋنيۆەرسيتەتىنىڭ بازاسىنداعى قازاق-نەمىس تۇراقتى ينجەنەريا ينستيتۋتى (KINI) عيماراتىنىڭ قۇرىلىسىنا 2025 جىلعا 10 ملرد تەڭگە قاراستىرىلعان. قارجىلاندىرۋ تەتىگى نىسانالى دامۋ ترانسفەرت ءراسىمى ارقىلى جۇزەگە اسىرىلادى. قازىرگى ۋاقىتتا ش.ەسەنوۆ ۋنيۆەرسيتەتى نەمىس ۋنيۆەرسيتتەرىمەن بىرلەسە اۋديتوريالار مەن قاجەتتى زەرتحانالاردىڭ سانىن بەلگىلەي وتىرىپ, قۇرىلىستىڭ جوبالىق تاپسىرماسىن ازىرلەدى.
«سونداي-اق جەرگىلىكتى ۋاكىلەتتى ورگانداردان جوبالاۋعا ارنالعان ساۋلەت-جوسپارلاۋ تاپسىرماسى, توق, سۋ, جىلۋ جانە بايلانىس جەلىلەرىن جابدىقتاۋ سالاسىنداعى جەلىلەرگە قوسۋعا ارنالعان تەحنيكالىق شارتتار الىندى. عيماراتتىڭ ەسكيزدىك جوباسى اقتاۋ قالاسى اكىمدىگىمەن كەلىسىلىپ, بەكىتىلدى. جوبالاۋ سمەتالىق قۇجاتى ساراپتامادان وتۋگە دايىندالىپ جاتىر», دەدى ش.ەسەنوۆ ۋنيۆەرسيتەتىنىڭ رەكتورى بەرىك احمەتوۆ.
رەكتوردىڭ ايتۋىنشا, جوبا بويىنشا 6 قاباتتان قۇرىلىپ, جالپى اۋدانى 25 960 شارشى مەتر بولاتىن ينستيتۋت عيماراتىنىڭ قازىرگى تاڭدا مەملەكەتتىك ساراپتاماعا قۇجاتتارى جولدانعان.
ماڭعىستاۋ وڭىرىنەن سالىناتىن جاڭا عيمارات تەڭىز جاعاسىنداعى قالا ءسانىن ارتتىرسا, جاڭا ينستيتۋت ەلىمىزدىڭ جاستارى ءۇشىن بولاشاققا باستاما بولماق.
ماڭعىستاۋ وبلىسى
