فوتو: qazaqstan.tv
حقكو-دان تىس جەردە مەنەدجەرلەر تولقۇجات, جەكە كۋالىك, جۇرگىزۋشى كۋالىگىن الۋ جانە كولىك قۇرالدارىن تىركەۋ جونىندەگى قىزمەتتەردى قوسپاعاندا مەملەكەتتىك قىزمەت ءتۇرىنىڭ كەز كەلگەنىن كورسەتە الادى.
ايتا كەتەيىك, پيلوتتىق جوبا قازاقستاننىڭ بارلىق وڭىرىندە ىسكە قوسىلدى. سەرۆيستى پايدالانۋ ءۇشىن مەملەكەتتىك كورپوراتسيانىڭ رەسمي سايتىندا «جەكە مەنەدجەردى ۇيگە شاقىرۋ» باتىرماسىن باسىپ, قاجەتتى مالىمەتتەردى تولتىرۋ قاجەت. سونداي-اق وتىنىمدەردى 1414 بىرىڭعاي بايلانىس ورتالىعى ارقىلى دا بەرۋگە بولادى. «ازاماتتارعا ارنالعان ۇكىمەت» ماماندارى مالىمەتتەردى ناقتىلاۋ ماقساتىندا جانە مەنەدجەردىڭ كەلۋ ۋاقىتىن بەلگىلەۋ ءۇشىن قىزمەت الۋشىمەن بايلانىسقا شىعادى.
«مەملەكەتتىك كورپوراتسيا تۇراقتى تۇردە سەرۆيستەردى جەتىلدىرۋ ءۇشىن جۇمىس جۇرگىزىپ جاتىر. بۇعان دەيىن ءبىز جەكە مەنەدجەرلەر ارقىلى حقكو-دا باسىم كەزەك ارقىلى قىزمەت الۋ مۇمكىندىگىن ىسكە اسىرعان ەدىك. ەندى حالىققا قىزمەت كورسەتۋ ورتالىقتارىنىڭ ماماندارىن ۇيگە شاقىرتىپ, قىزمەتتى ۇيدەن شىقپاي-اق الۋعا بولادى. بۇل ۋاقىت ۇنەمدەگىسى كەلەتىن ازاماتتار ءۇشىن وتە ىڭعايلى سەرۆيس», دەدى «ازاماتتارعا ارنالعان ۇكىمەت» باسقارما توراعاسى ارمان كەنجەعاليەۆ.
ەسكە سالا كەتەيىك, كونستيتۋتسيا كۇنى قارساڭىندا 30 تامىز, جۇما كۇنى حالىققا قىزمەت كورسەتۋ ورتالىقتارى, ونىڭ ىشىندە مامانداندىرىلعان ورتالىقتار جۇمىس ىستەمەيدى.
