دەپۋتات سەناتتىڭ زاڭ شىعارۋ قىزمەتى تۋرالى ايتىپ, قوعامداعى ءوزارا قۇرمەت پەن سەنىمدى نىعايتۋدىڭ جانە زاڭ مەن ءتارتىپتى ساقتاۋدىڭ ماڭىزدى ەكەنىن اتاپ ءوتتى.
«VIII سايلانعان پارلامەنتتىڭ II سەسسياسى بارىسىندا 102 زاڭ قابىلداندى. ونىڭ ۇشتەن بىرىنە دەپۋتاتتىق كورپۋس باستاماشى بولدى. «قوعامدىق باقىلاۋ تۋرالى», «ادام ساۋداسىنا قارسى ءىس-قيمىل تۋرالى», «ماسس-مەديا تۋرالى», باسقا دا زاڭدار ازاماتتاردىڭ قۇقىقتارىن قورعاۋعا, سونداي-اق ازاماتتىق قوعامدى ودان ءارى دامىتۋعا ارنالعان. ايەلدەر مەن بالالاردىڭ قۇقىقتارىن قورعاۋدى كوزدەيتىن زاڭناما كۇشەيتىلىپ, لۋدومانيامەن كۇرەس شارالارى دا قابىلداندى», دەدى بيبىگۇل جەكسەنباي.
سونىمەن قاتار پارلامەنت دەپۋتاتى سەناتورلار ەل پرەزيدەنتىنىڭ تاپسىرماسىمەن قولعا الىنعان باعدارلامالار مەن جوبالاردى ىسكە اسىرۋ اياسىندا ايتارلىقتاي جۇمىس اتقارعانىن اتاپ ءوتتى.
«ادام قۇقىقتارىن قورعاۋ – جاۋاپتى مىندەت قانا ەمەس, سونىمەن قاتار جوعارى مارتەبە. وسى رەتتە مەملەكەت باسشىسى بەلگىلەپ بەرگەن ۇلتتىق قۇندىلىقتار قۇقىق قورعاۋ ورگاندارى قىزمەتكەرلەرىنىڭ جۇمىسىندا نەگىزگى قاعيداتقا اينالادى دەپ سەنەمىز. بۇل قۇندىلىقتار – ءار ازاماتتىڭ قۇقىقتارى مەن بوستاندىقتارىن قورعاۋ كەزىندە ولاردىڭ ارەكەتتەرى مەن تاسىلدەرىن انىقتاۋعا, قوعامنىڭ سەنىمىن نىعايتۋعا جانە ەلدە ءادىل قۇقىقتىق كەڭىستىك قالىپتاستىرۋعا ىقپال ەتەتىن ۇلكەن كۇش», دەدى سەناتور.
