اتىراۋ وبلىسى اكىمى ءباسپاسوز قىزمەتىنىڭ مالىمەتىنشە, سۋ تاسقىنىنان 5 ءبىلىم ورداسىنىڭ, 3 بالاباقشا مەن 1 ساز مەكتەبىنىڭ ب ۇلىنگەنى انىقتالعان. تەحنيكالىق زەردەلەۋ جۇرگىزۋدەن سوڭ, 3 عيمارات جارامسىز دەپ تانىلدى. ونىڭ ءبىرى – «سالتانات» بالاباقشاسى. ەكەۋى – 1963, 1975 جىلدارى سالىنعان مەكتەپ عيماراتى.
ال وزگە نىسانداردا كۇردەلى جانە ورتاشا جوندەۋ قولعا الىنعان. جۇمىس قارقىنى قانداي؟ وبلىس اكىمى سەرىك شاپكەنوۆ قۇلسارى قالاسىنداعى سۋ تاسقىنىنان ب ۇلىنگەن نىسانداردى قالپىنا كەلتىرۋ جۇمىسىن تەكسەرىپ, مەردىگەر مەكەمەلەرگە قولعا العان ءىستى جەدەلدەتۋدى تاپسىردى.
«قۇلسارى قالاسىندا 18 كوشەدەگى ۇزىندىعى 12,1 شاقىرىم جولدى قايتا جاڭارتۋ كوزدەلدى. جوبا قۇنى – 2 ملرد 390 ملن 289 مىڭ تەڭگە. وسى كەزگە دەيىن «كازكومسەرۆيس» جشس 6,8 شاقىرىم جولعا جوندەۋ جۇرگىزدى. بۇل جۇمىستى جىل سوڭىندا اياقتاۋ جوسپارلانىپ وتىر», دەپ حابارلادى اكىمدىكتىڭ ءباسپاسوز قىزمەتى.
قازىر قۇلسارىداعى №8 ورتا مەكتەپ پەن «وركەن» بالاباقشاسىندا جوندەۋ جۇمىسى بەكىتىلگەن كەستەگە ساي ءجۇرىپ جاتىر. بۇل نىساندار قىركۇيەككە دەيىن پايدالانۋعا بەرىلەدى. تاسقىن سۋدان زارداپ شەككەندەرگە «بولاشاق» شاعىن اۋدانىندا 100 تۇرعىن ءۇيدىڭ قۇرىلىسى جۇرگىزىلىپ جاتىر. بۇل جۇمىستى اتقارۋعا جەرگىلىكتى 8 قۇرىلىس كومپانياسى تارتىلدى. قۇرىلىسشىلار 94 ءۇيدىڭ قابىرعاسىن قالاپ, 85 ءۇيدىڭ شاتىرىن جابۋدى اياقتاپتى. جاڭادان سالىنىپ جاتقان 60 ۇيگە سىلاق, 42 ۇيگە ارلەۋ جۇمىستارى قولعا الىنعان. ال 62 ۇيگە تەرەزە ورناتىلعان. شاعىن اۋداندا ينجەنەرلىك ينفراقۇرىلىم جەلىلەرىن جۇرگىزۋ اياقتالىپ كەلەدى.
«قيىن كەزەڭ ارتتا قالدى. ءبىزدىڭ مىندەتىمىز – قالپىنا كەلتىرۋ جۇمىستارىن ۋاقتىلى اتقارىپ, تۇرعىنداردىڭ ءومىر ءسۇرۋ ساپاسىن جاقسارتۋ. ءجۇز وتباسى جاڭا باسپاناعا كوشۋدى, قونىس تويىن جاساۋدى اسىعا كۇتىپ وتىر. ۋاقىت از, بىراق ءۇيسىز قالعان تۇرعىنداردىڭ جاعدايىن ويلاعانىمىز ءجون. سوندىقتان تۇرعىن ءۇي قۇرىلىسىن جۇرگىزۋدى جەدەلدەتىپ, باقىلاۋدى كۇشەيتۋ قاجەت. الداعى 1 قىركۇيەككە دەيىن تۇرعىنداردىڭ يگىلىگىنە 80, 5 قىركۇيەكتە 20 باسپانا تاپسىرۋىمىز كەرەك», دەدى سەرىك شاپكەنوۆ.
اكىمنىڭ ايتۋىنشا, جاڭا شاعىن اۋدانعا تاسجول توسەۋدى كەشىكتىرمەي باستاۋ قاجەت. سونداي-اق Binom مەكتەبى مەن وقۋشىلار سارايىن سالۋعا دايىندىقتى جەدەلدەتكەن ءجون.
قۇلسارى قالاسىنداعى تۇرعىنداردى الاڭداتاتىن تاعى ءبىر ماسەلە بار. بۇل – تازا اۋىزسۋ ساپاسى. وسىعان وراي سۋ تازارتۋ قۇرىلعىلارىن جاڭعىرتۋ ماسەلەسى قوزعالىپ وتىر.
ويتكەنى جىلىوي اۋدانىنىڭ ورتالىعى – قۇلسارى قالاسىنا اۋىز سۋ «استراحان – ماڭعىشلاق» ماگيسترالدىق قۇبىرمەن جەتكىزىلەدى. قۇبىرمەن جەتكەن تىرشىلىك نارىنە «ماگيسترالدىق سۋ قۇبىرى» جشس ستانساسىندا تازارتۋ جۇرگىزىلەدى. ال تۇرعىندارعا تازا اۋىز سۋ «جىلىويسۋ» كمك ارقىلى بەرىلەدى.
رەسەيدىڭ استراحان وبلىسىمەن شەكاراداعى قيعاش وزەنىندەگى سۋدىڭ ساپاسىنا بايلانىستى ءتۇرلى سىلتاۋ ايتىلادى. ماسەلەن, «ماگيسترالدىق سۋ قۇبىرى» جشس ديرەكتورىنىڭ مىندەتىن اتقارۋشى ەركىن تاڭقىباەۆتىڭ ايتۋىنشا, كوكتەمدە سۋ ساپاسى وزگەرگەن. وعان قيعاش وزەنى تاسىپ, «استراحان – ماڭعىشلاق» قۇبىرىمەن جەتكىزىلگەن سۋدىڭ شامادان تىس لايلانعانى سەبەپ بولعان. اۋىزسۋ ساپاسىنا سۋ قۇبىرىنىڭ بويىندا جاڭا ۋچاسكەنىڭ پايدالانۋعا بەرىلۋى دە اسەر ەتكەن.
«قازىر ءبىزدىڭ مەكەمەدە 7 رەزەرۆۋار بار. ونىڭ بەسەۋى جۇمىس ىستەپ تۇر. بىرەۋى جوندەۋگە قويىلدى. جاڭادان ءبىر رەزەرۆۋار سالىنىپ جاتىر. سۋ بىرنەشە رەت تازارتىلادى. كەيىن حلور قوسىلادى. قيعاش وزەنىندەگى قورشاۋ ورنىندا تازارتۋ جۇرگىزىلىپ, سۋ ساپاسى جاقسارىپ كەلەدى. كۇن سايىن سۋ قۇبىرىنان سىناما الىپ, ساپاسىن باقىلاپ وتىرمىز», دەيدى ەركىن تاڭقىباەۆ.
ال «جىلىويسۋ» كمك ديرەكتورىنىڭ مىندەتىن اتقارۋشى باتىر كەيكىننىڭ ايتۋىنا قاراعاندا, قۇلسارى قالاسىنداعى سۋ ساقتايتىن رەزەرۆۋارلار تازارتىلىپ, دەزينفەكتسيالانادى. سونداي-اق سۋمەن جابدىقتاۋ جەلىلەرىن جۋ جۇمىسى اتقارىلدى. الايدا وبلىس اكىمى س.شاپكەنوۆتىڭ پىكىرىنشە, تۇرعىنداردى تازا اۋىزسۋمەن قامتۋ ماسەلەسىندە سالعىرتتىق بار. اسىرەسە قۇلسارى قالاسىنداعى كوپقاباتتى ۇيلەردى سۋمەن جابدىقتاۋ جۇيەسى تازارتىلماي كەلەدى.
«بيىل كوكتەمدە قيعاش وزەنىندە سۋ دەڭگەيى كوتەرىلگەن جوق. دەمەك ماسەلە جۇمىستىڭ جۇيەسىزدىگىندە. مامىردا تۇرعىنداردى تازا اۋىزسۋمەن قامتۋ ماسەلەسىن جاقسارتۋدى مىندەتتەگەن ەدىم. بىراق ەشقانداي ناتيجە كورىپ تۇرعان جوقپىن. بۇل – سالعىرتتىقتىڭ سالدارىنان تۋىنداعان ءارى كەشىرىلمەيتىن ماسەلە. اۋىزسۋدىڭ ساپاسى تۇرعىنداردىڭ دەنساۋلىعىنا اسەر ەتەتىنى ەسكەرىلمەيدى. ەندى قىسقا مەرزىمدە زاماناۋي تەحنولوگيالاردى پايدالانىپ, سۋ تازارتۋ قۇرىلعىلارىن قايتا قۇرۋ جوباسىن ازىرلەۋ كەرەك», دەپ مالىمدەدى س.شاپكەنوۆ.
اتىراۋ وبلىسى
