ءار ۇلتتىڭ دامۋىندا بولاشاق ۇرپاقتىڭ تاعدىرى شەشىلەتىن ماڭىزدى كەزەڭدەر بولادى. سولاردىڭ ءبىرى – اەس سالۋ ماسەلەسى, بۇل شەشىم ءبىزدىڭ تەحنولوگيالىق جانە وندىرىستىك دامۋىمىزعا قاراي قادام باسۋىمىزدى نە بولماسا تەك شيكىزات ءوندىرۋ مەن ەكسپورتقا تاۋەلدى ەكونوميكا رەتىندە قالۋىمىزدى ايقىندايدى.
مەنىڭ جانە مەنىڭ ارىپتەستەرىمنىڭ قاۋىمداستىقتاعى مىندەتى – بالالارىمىزعا, نەمەرەلەرىمىزگە جانە شوبەرەلەرىمىزگە گۇلدەنگەن جانە دامىعان ەلدى قالدىرۋ ءۇشىن بار كۇش-جىگەرىمىزدى جۇمساۋ.
جاراتقان يەمىز قازاقستانعا ۋراننىڭ ەرەكشە قورلارىن ءناسىپ ەتتى جانە وسى بايلىقتى دۇرىس يگەرىپ, ءوز ىسىنە ادال مەنەدجمەنتتىڭ ارقاسىندا ەلىمىزدى الەم بويىنشا ەڭ ءىرى وندىرۋشىگە اينالدىردى. ەندى جەتەكشى مەملەكەتتەر ءوز دامۋى مەن جەتىستىكتەرى ءۇشىن قازاقستاندىق تابىس تاريحىنا سۇيەنىپ وتىر. بىزگە دە ەندى بەيبىت اتومنىڭ يگىلىگىن پايدالانىپ, ۇلتىمىزدىڭ دامۋىنا جول اشاتىن ۋاقىت كەلدى.
ءبىزدىڭ جەرىمىز بەن حالقىمىز يادرولىق قارۋدىڭ زارداپتارىنان وتكەن اۋىر سىناقتاردى باستان كەشىردى. بۇل قايعىلى وقيعا تەك تاريحىمىزعا جارا سالىپ قانا قويماي, قازاقستانعا بەيبىت اتوم ماسەلەلەرىمەن اينالىسۋعا ەرەكشە مورالدىق قۇقىق بەرەدى دەپ ەسەپتەيمىن. قازاقستان حالقىنىڭ اتوم ەنەرگياسىن بەيبىت ماقساتتا پايدالانۋدى قولداۋى تەك كوممەرتسيالىق تۇرعىدان عانا ەمەس, بۇل ءبىزدىڭ ۇلتىمىزدىڭ كەمەلدەنگەنىنىڭ بەلگىسى, جاسوسپىرىمدىك ماكسيماليزمنەن ءوتىپ, بولاشاققا سالقىنقاندىلىقپەن قاراپ, ەڭ جاقسى پەرسپەكتيۆالاردى تاڭداپ الۋىمىزدىڭ ايعاعى.
بۇل – قازاقستان الەمدىك دەڭگەيدە جەتەكشى ورىن الاتىن سالالاردىڭ ءبىرى جانە حالىقارالىق ارەنادا ءوز ۇستانىمىن ءساتتى قورعاي الاتىن سالا.
بۇل – قازاقستاندىقتاردىڭ مىڭداعان ادامعا تابىستى مانساپ جولىن اشاتىن سالالاردىڭ ءبىرى. بۇل – مەنىڭ ءوزىمدى تاپقان سالام, جانە مەنىڭ وتانداستارىم دا وزدەرى مەن بالالارى ءۇشىن ءال-اۋقات قۇرىپ, وتانىمىزدىڭ گۇلدەنۋىنە بەرىك نەگىز قالايدى دەپ سەنەمىن.
بۇل – الەمنىڭ ەڭ دامىعان ەلدەرىنىڭ ەكونوميكالىق ءوسۋىن ەشبىر داۋ-دامايسىز, تاۋلىك بويى جانە اۋا رايىنا قاراماستان قولدايتىن سالا. مەن ءبىزدىڭ رەسپۋبليكا دا وسى ەلدەردىڭ قاتارىنا قوسىلۋ مۇمكىندىگىنە يە بولعانىن قالايمىن جانە اتوم ونەركاسىبى بىزگە بۇل مۇمكىندىكتى بەرەتىنىنە سەنىمدىمىن.
ءوز تاراپىمنان, قازاقستاننىڭ اتوم ونەركاسىبىن دامىتۋ قاۋىمداستىعىنىڭ توراعاسى رەتىندە, وسى جوبادان ەلىمىزدىڭ تۇرعىندارى مەن بيزنەسى ءۇشىن ەڭ جوعارى پايدا الۋىنا بار كۇش-جىگەرىمىزدى سالاتىنىمىزدى جاۋاپكەرشىلىكپەن مالىمدەيمىن.
الديار توقتاروۆ,
اتوم ونەركاسىبىن دامىتۋ قاۋىمداستىعىنىڭ توراعاسى
