قازاقستاندا قانداي مەملەكەتتىك ناگرادالار بار

ەڭ جوعارى دارەجەلى ەرەكشەلىك بەلگىلەرى:

«التىن قىران» وردەنى - قازاقستان رەسپۋبليكاسىنىڭ جوعارى دارەجەلى ەرەكشەلىك بەلگىسى. وسى وردەنمەن ازاماتتار قازاقستان رەسپۋبليكاسىنا ەرەكشە مەملەكەتتىك قىزمەتى ءۇشىن ماراپاتتالادى. «التىن قىران» وردەنىمەن ماراپاتتاۋعا ۇمىتكەرلەردى قازاقستان پرەزيدەنتى ايقىندايدى. قازاقستان رەسپۋبليكاسىنىڭ پرەزيدەنتى لاۋازىمى بويىنشا ەرەكشە ۇلگىدەگى «التىن قىران» وردەنىنىڭ يەگەرى اتانادى.

«حالىق قاھارمانى» اتاعى - قازاقستان رەسپۋبليكاسىنداعى «التىن قىران» وردەنى جانە «قازاقستاننىڭ ەڭبەك ەرى» اتاعىمەن بىرگە جوعارى دارەجەلى ەرەكشەلىك بەلگىسى. «حالىق قاھارمانى» اتاعى قازاقستان رەسپۋبليكاسىنا سiڭiرگەن اسا ۇزدiك ەڭبەگi, ونىڭ بوستاندىعى مەن تاۋەلسiزدiگi جولىنداعى جاۋىنگەرلiك ەرلiكتەرi ءۇشiن بەرiلەدi. «حالىق قاhارمانى» اتاعىنا يە بولعان ادامدارعا ايرىقشا ەرەكشەلiك بەلگiسi – «التىن جۇلدىز» جانە «وتان» وردەنى تاپسىرىلادى.

«قازاقستاننىڭ ەڭبەك ەرى» اتاعى - قازاقستان رەسپۋبليكاسىن ەكونوميكالىق, الەۋمەتتىك-گۋمانيتارلىق دامىتۋداعى اسا ۇزدىك جەتىستىكتەرى ءۇشىن بەرىلەدى. «قازاقستاننىڭ ەڭبەك ەرى» اتاعىنا يە بولعان ادامدارعا ايرىقشا ەرەكشەلىك بەلگىسى – «التىن جۇلدىز» جانە «وتان» وردەنى تاپسىرىلادى. ايرىقشا ەرەكشەلىك بەلگىسى - «قازاقستاننىڭ ەڭبەك ەرى» التىن جۇلدىزى وردەندىك تاعانعا جالعاستىرۋشى شىعىرشالار ارقىلى بەكىتىلگەن القا.

وردەندەر:

«وتان» وردەنى - قازاقستان رەسپۋبليكاسىنىڭ ماراپاتى.  بۇل وردەنمەن ازاماتتاردىڭ ەكونوميكانى, الەۋمەتتىك سالانى, عىلىم مەن مادەنيەتتى دامىتۋداعى مەملەكەتتىك, قۇقىق قورعاۋ جانە اسكەري قىزمەتتەگى, دەموكراتيا مەن الەۋمەتتىك پروگرەستى دامىتۋداعى ەرەكشە ەڭبەگى ءۇشىن ماراپاتتالادى.

«بارىس» وردەنى - قازاقستان رەسپۋبليكاسىنىڭ مەملەكەتتىگى مەن ەگەمەندىگىن نىعايتۋ ىسىندەگى; بەيبىتشىلىكتى, قوعامنىڭ توپتاسۋى مەن قازاقستان حالقىنىڭ بىرلىگىن قامتاماسىز ەتۋدەگى, مەملەكەتتىك, وندىرىستىك, عىلىمي, الەۋمەتتىك-مادەني جانە قوعامدىق قىزمەتتەگى, حالىقتار اراسىنداعى ىنتىماقتاستىقتى نىعايتۋداعى, ۇلتتىق مادەنيەتتەردى جاقىنداستىرۋ مەن ولاردى ءوزارا بايىتۋداعى, مەملەكەتتەر اراسىنداعى دوستىق قاتىناستاردى نىعايتۋداعى ايرىقشا ەڭبەگى ءۇشىن جۇرگىزىلەدى. «بارىس» وردەنى ءۇش دارەجەدەن تۇرادى:

• I دارەجەلى «بارىس»;
• II دارەجەلى «بارىس»;
• III دارەجەلى «بارىس».

I دارەجە وردەننىڭ جوعارى دارەجەسى. ناگرادتاۋ III دارەجە, II دارەجە, I دارەجە رەتىمەن جۇرگىزىلەدى. ەرەكشە جاعدايلاردا ايرىقشا كوزگە تۇسكەنى ءۇشىن مەملەكەت باسشىسىنىڭ شەشىمىمەن ناگرادتاۋ رەتتىلىك ەسكەرىلمەي جۇرگىزىلۋى مۇمكىن.

«داڭق» وردەنى - 1993 جىلى قۇرىلعان قازاقستان رەسپۋبليكاسىنىڭ وردەنى. «داڭق» وردەنىمەن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ جوعارعى وفيتسەر قۇرامىنىڭ تۇلعالارى, سونداي-اق پروكۋراتۋرا, ۇلتتىق قاۋىپسىزدىك, ىشكى ىستەر ورگاندارىنىڭ باسشى قىزمەتكەرلەرى جانە باسقالارى:

• اسكەرلەردى باسقارۋ جانە باقىلاۋداعى تابىسى, اسكەرلەردىڭ جوعارى جاۋىنگەرلىك ازىرلىگى مەن ەلدىڭ قورعانىس قابىلەتىن قامتاماسىز ەتكەنى ءۇشىن;
• اسكەري, شەكارالىق جانە ىشكى قىزمەتتەردى ءمىنسىز ۇيىمداستىرعانى, ۇلتتىق قاۋىپسىزدىكتى قامتاماسىز ەتۋ, زاڭدىلىقتى نىعايتۋ جانە قوعامدىق ءتارتىپتى قورعاعانى ءۇشىن ماراپاتتالادى.

«ايبىن» وردەنى - قارۋلى كۇشتەردىڭ, باسقا اسكەرلەردىڭ جانە اسكەري قۇرامالاردىڭ اسكەري قىزمەتشىلەرى, سونداي-اق قازاقستان رەسپۋبليكاسىنىڭ ارناۋلى مەملەكەتتىك ورگاندارىنىڭ, پروكۋراتۋرا, ۇلتتىق قاۋىپسىزدىك, ىشكى ىستەر ورگاندارىنىڭ قىزمەتكەرلەرى:

• جاۋىنگەرلىك ازىرلىكتە, اسكەرلەردى جوعارى جاۋىنگەرلىك دايارلىقتا ۇستاۋدا جانە جاڭا اسكەري تەحنيكانى يگەرۋدە, زاڭدىلىقتى جانە قوعامدىق ءتارتىپتى قامتاماسىز ەتۋدە قول جەتكىزگەن تابىستارى ءۇشىن;
• اسكەري جانە قىزمەتتىك بورىشىن اتقارۋ ۇستىندە كورسەتكەن باتىلدىعى مەن جانقيارلىعى, سونداي-اق مەملەكەت مۇددەسىن قورعاۋ كەزىندە جاساعان ەرلىگى ءۇشىن ناگرادتالادى.

«ايبىن» وردەنى ءۇش دارەجەدەن تۇرادى:

• I دارەجەلى «ايبىن» ;
• II دارەجەلى «ايبىن» ;
• III دارەجەلى «ايبىن» .

I جانە II دارەجەلى «ايبىن» وردەندەرىمەن وفيتسەرلەردىڭ كىشى جانە اعا قۇرامدارىنداعى ادامدار ناگرادتالادى. I دارەجە وردەننىڭ جوعارى دارەجەسى بولىپ تابىلادى. ناگرادتاۋ: II دارەجە جانە I دارەجە رەتىمەن جۇرگىزىلەدى. III دارەجەلى «ايبىن» وردەنىمەن ساربازدار, ماتروستار, سەرجانتتار, ستارشينالار ناگرادتالادى.

«پاراسات» وردەنى - قازاقستان رەسپۋبليكاسىنىڭ وردەنى. قازاقستان رەسپۋبليكاسىنىڭ پرەزيدەنتىنىڭ جارلىعىمەن 1993 جىلى بەلگىلەندى. «پاراسات» وردەنىمەن عىلىم مەن مادەنيەت, ادەبيەت پەن ونەر قايراتكەرلەرى, سونداي-اق رەسپۋبليكانىڭ رۋحاني جانە ينتەلەكتۋالدىق الەۋەتىن دامىتۋ مەن مولايتۋعا زور ۇلەس قوسقان نەمەسە ادام قۇقىقتارىن جانە ونىڭ الەۋمەتتىك مۇددەلەرىن قورعاۋ جونىندەگى بەلسەندى قىزمەتى ءۇشىن ازاماتتاردى ماراپاتتايدى.

«دوستىق» وردەنi — 1995 جىلى بەلگىلەنگەن قازاقستان رەسپۋبليكاسىنىڭ لاۋازىمدى ماراپاتى. وردەنمەن ازاماتتار قوعامداعى ۇلتارالىق جانە ازاماتتىق تاتۋلىقتى ساقتاۋ جونىندەگى جەمىستى جۇمىسى ءۇشىن حالىقتار اراسىنداعى بeيبiتشiلiكتi, دوستىق پەن ىنتىماقتاستىقتى نىعايتۋعا ciڭipreن ەڭبەگى ءۇشىن ماراپاتتالادى. «دوستىق» وردەنى eكi ايىرىمنان: I دارەجەلى «دوستىق» وردەنى جۇلدىزدان جانە يىققا acaتىن لeنتaدaعى opدeننiڭ بeلگiciنeن تۇpaدى.

«قۇرمەت» وردەنi — 1993 جىلى قۇرىلعان قازاقستان رەسپۋبليكاسىنىڭ وردەنى. «قۇرمەت» وردەنىن ساۋلەتشى بازارباەۆ سۇيەرحان وسپانبەك ۇلى ازىرلەگەن. «قۇرمەت» وردەنىمەن ازاماتتار ەكونوميكانى, الەۋمەتتىك سالانى, عىلىم مەن مادەنيەتتى, ءبىلىم بەرۋدى دامىتۋداعى سىڭىرگەن ەڭبەگى, مەملەكەتتىك ورگاندارداعى ۇلگىلى قىزمەتى جانە بەلسەندى قوعامدىق قىزمەتى ءۇشىن ماراپاتتالادى.

«ەڭبەك داڭقى» وردەنى — ەڭبەك جەتىستىكتەرى ءۇشىن بەرىلەتىن قازاقستان رەسپۋبليكاسىنىڭ مەملەكەتتىك ماراپاتى. «ەڭبەك داڭقى» وردەنىمەن ونەركاسىپ, كولىك, قۇرىلىس, اۋىل شارۋاشىلىعى, ءبىلىم بەرۋ, دەنساۋلىق ساقتاۋ, الەۋمەتتىك قامسىزداندىرۋ جانە باسقا دا سالالاردىڭ جۇمىسكەرلەرى كاسىپورىندارداعى, مەكەمەلەردەگى, ۇيىمدارداعى جەمىستى ەڭبەگى ءۇشىن, سونداي-اق ءتيىستى سالالارداعى جوعارى كورسەتكىشتەرى ءۇشىن ناگرادتالادى. «ەڭبەك داڭقى» وردەنى ءۇش دارەجەدەن تۇرادى:

• I دارەجەلى «ەڭبەك داڭقى» ;
• II دارەجەلى «ەڭبەك داڭقى» ;
• III دارەجەلى «ەڭبەك داڭقى» .

I دارەجە وردەننىڭ جوعارى دارەجەسى بولىپ سانالادى. ناگرادتاۋ III دارەجە, II دارەجە جانە I دارەجە رەتىمەن جۇرگىزىلەدى.

«ەڭبەك داڭقى» وردەنىنىڭ ءۇش دارەجەسىنىڭ يەگەرلەرى مارتەبەسى بويىنشا «قازاقستاننىڭ ەڭبەك ەرى» اتاعىنا يە بولعان ادامدارعا تەڭەستىرىلەدى.

مەدالدار:

«ەرلىگى ءۇشىن» مەدالى — «قازاقستان رەسپۋبليكاسىنىڭ مەملەكەتتىك ماراپاتتارى تۋرالى» قازاقستان رەسپۋبليكاسىنىڭ 1995 جىلعى 12 جەلتوقسانداعى № 2676 زاڭىنىڭ نەگىزىندە بەلگىلەنگەن قازاقستان رەسپۋبليكاسىنىڭ مەملەكەتتىك ماراپاتى. مەدال ازاماتتارعا ادام ءومىرىن ساقتاۋعا بايلانىستى توتەنشە جاعدايلاردا (سۋدا, ورتتە, تابيعي اپاتتار كەزىندە), قىلمىسقا قارسى كۇرەستە كورسەتكەن باتىلدىعى مەن قايسارلىعى ءۇشىن بەرىلەدى.

«جاۋىنگەرلىك epلiگi ءۇشىن» مەدالى — «قازاقستان رەسپۋبليكاسىنىڭ مەملەكەتتىك ماراپاتتارى تۋرالى» قازاقستان رەسپۋبليكاسىنىڭ 1995 جىلعى 12 جەلتوقسانداعى № 2676 زاڭىنىڭ نەگىزىندە بەلگىلەنگەن قازاقستان رەسپۋبليكاسىنىڭ مەملەكەتتىك ماراپاتى. مەدالمەن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ اسكەري قىزمەتشىلەرى, سونداي-اق پروكۋراتۋرا, ۇلتتىق قاۋىپسىزدىك, ىشكى ىستەر جانە قىلمىستىق-اتقارۋ جۇيەسى ورگاندارىنىڭ قىزمەتكەرلەرى:

• اسكەري ءبولىمنىڭ, بولىمشەنىڭ جاۋىنگەرلىك تاپسىرمالاردى ويداعىداي ورىنداۋىنا, سونداي-اق قىلمىسقا قارسى كۇرەستە ىقپال ەتكەن ۇرىستا شەبەر, بەلسەندى جانە باتىل ارەكەتتەرى ءۇشىن;
• مەملەكەتتىك شەكارانى قورعاۋدا كورسەتكەن ەرجۇرەكتىگى ءۇشىن;
• قىزمەتىن وتەۋ بارىسىندا سىڭىرگەن ەڭبەگى ءۇشىن بەرىلەدى.

«ەرەن ەڭبەگى ءۇشىن» مەدالى — «قازاقستان رەسپۋبليكاسىنىڭ مەملەكەتتىك ماراپاتتارى تۋرالى» قازاقستان رەسپۋبليكاسىنىڭ 1995 جىلعى 12 جەلتوقسانداعى № 2676 زاڭىنىڭ نەگىزىندە بەلگىلەنگەن قازاقستان رەسپۋبليكاسىنىڭ مەملەكەتتىك ماراپاتى. مەدال ازاماتتارعا ەكونوميكاداعى, الەۋمەتتىك سالاداعى, عىلىمداعى, مادەنيەتتەگى جانە مەملەكەتتىك قىزمەتتەگى ەڭبەك جەتىستىكتەرى ءۇشىن بەرىلەدى.

«شاپاعات» مەدالى — «قازاقستان رەسپۋبليكاسىنىڭ مەملەكەتتىك ماراپاتتارى تۋرالى» قازاقستان رەسپۋبليكاسىنىڭ 1995 جىلعى 12 جەلتوقسانداعى № 2676 زاڭىنىڭ نەگىزىندە بەلگىلەنگەن قازاقستان رەسپۋبليكاسىنىڭ مەملەكەتتىك ماراپاتى. مەدال ازاماتتارعا بەلسەندى جانە جەمىستى قايىرىمدىلىق قىزمەتى مەن مەيىرىمدىلىگى ءۇشىن بەرىلەدى.

بۇدان بولەك ەلىمىزدە قۇرمەتتى اتاقتار, كوپ بالالى انالارعا ارنالعان ماراپاتتار, مەملەكەتتىك سىيلىقتار جانە سالالىق ماراپاتتار بار.

ايتا كەتەيىك, قازاقستان رەسپۋبليكاسىنىڭ وردەندەرi مەن مەدالدارى سول جاق ومىراۋعا تاعىلادى. ال, وردەن بەلگىسىن يىق لەنتاسىنا تاعۋ كەزىندە ول وڭ يىق ارقىلى وتەدى. وسى وردەننىڭ جۇلدىزى سول جاق ومىراۋعا وردەندەردەن سولعا قاراي ورنالاسادى. ماراپاتتالعان ادامدار وردەندەر مەن مەدالداردىڭ ورنىنا بەلگىلەنگەن ۇلگىدەگى ماراپاتتار ءرامىزىن تاعىپ جۇرە الادى.