عالىمنىڭ حاتى ولمەيدى

ەكىنشى دۇنيەجۇزىلىك سوعىستان امان ورالىپ, وبلىستىق, كەيىننەن رەسپۋبليكالىق پروكۋراتۋرادا جەمىستى ەڭبەك ەتكەن بەلگىلى قوعام قايراتكەرى, اكادەميك  سالىق زيمانوۆ وسى سالادا دوكتورلىق ديسسەرتاتسيا قورعاعان العاشقى زاڭگەردىڭ ءبىرى. زاڭ عىلىمىنىڭ دامۋىنا لايىقتى ۇلەسىن قوسقان زاڭعار زاڭگەر شاكىرت تە تاربيەلەدى, تاۋەلسىز قازاقستاننىڭ مەملەكەتتىلىگىن قالىپتاستىرۋعا دا ەلەۋلى ەڭبەك ەتتى. زاڭعار زاڭگەردىڭ عالىمدىق, ازاماتتىق ءومىر جولى بارشانى قىزىقتىرادى. عيبراتتى عۇمىر كەشكەن عالىمنىڭ ساليقالى وي-تولعامدارى, تۇلعا رەتىندەگى قالىپتاسۋ كەزەڭى «سالىك زيمانوۆ. ماتەريالى ي بيبليوگرافي» جانە «عىلىمداعى عاسىر ابىزى, اكادەميك سالىق زيمانوۆ» اتتى زەرتتەۋ كىتاپتارىنا ارقاۋ بولعان. بۇل كىتاپتاردا زاڭعار زاڭگەردىڭ حاتتارى, ۇسىنىس-پىكىرلەرى توپتاستىرىلعان. سونىمەن بىرگە, «سالىق زيمانوۆ ومىرىنەن ءبىر كۇن» دەگەن بولىمدە ونىڭ ەگەمەن ەل دەكلاراتسياسىنا قاتىستى اڭگىمەلەرى, قازاق ءتىلىنىڭ بۇگىنگى قولدانىسى مەن بولاشاعى حاقىنداعى ويلارى وقىرمان قىزىعۋشىلىعىن تۋدىرادى. كىتاپتاردىڭ جارىق كورۋىنە ىقپال ەتكەن پارلامەنت سەناتىنىڭ دەپۋتاتى سارسەنباي ەڭسەگەنوۆ «سالىق اعامىزدىڭ: «ەلباسى مەنىڭ ءسوزىمدى قۋاتتاپ, ورنىنان ون ءبىر رەت كوتەرىلدى» دەگەن ءسوزىن تەبىرەنىسپەن وقىدىم» دەگەن پىكىرىمەن ءبولىستى. ايتقانداي, قوس كىتاپتىڭ اۆتورى –تاريح عىلىمدارىنىڭ دوكتورى, پروفەسسور ءىلياس قوزىباەۆ. تاريحشى عالىمنىڭ اكادەميك تۋرالى زەرتتەۋ كىتاپتارىن سەناتور سارسەنباي ەڭسەگەنوۆ ع.سلانوۆ اتىنداعى وبلىستىق عىلىمي امبەباپ كىتاپحاناعا جانە سالىق زيمانوۆ ءبىلىم العان جامبىل اتىنداعى №21 ورتا مەكتەپتىڭ كىتاپحاناسىنا تاپسىردى. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەتتى تۇسىرگەن راحىم قويلىباەۆ.