ىزگىلىككە جول اشقان اكتسيا

اباي وبلىسى­نىڭ ءبىلىم باس­قارماسى مەن ءبىلىم مەكە­مەلە­رىن­دە اتا-انالاردى قول­داۋ ءۇشىن سەنىم تەلەفونى قويى­لىپ, «Call» ورتالىقتارى جۇمىس ىستەيدى. قا­زىرگى تاڭدا وبلىس كو­لەمىندە 309 جالپى ورتا ءبىلىم بە­رەتىن مەكەمە بولسا, سونىڭ 302-ءسى – مەملەكەت­تىك, 7-ەۋى – جەكەمەن­شىك مەكتەپ. ­بيىل 10 مىڭ بالا العاش مەكتەپ تا­بال­دىرىعىن اتتايدى.

بۇگىندە جوعارىدا اتالعان با­عىتتار بويىنشا بالالارعا ما­تەريالدىق قولداۋ كورسەتۋ اياسىندا وبلىستاعى الەۋمەتتىك جا­عىنان از قامتىلعان وتباسىلار­دان شىققان 22 641 وقۋشىعا جالپىعا بىردەي ءبىلىم بەرۋ قورىنان 995,840 ملن تەڭگە ءبولىندى. بۇل مەكتەپ فورماسى جانە وقۋ قۇرالدارىمەن قامتاماسىز ەتۋ ءۇشىن ءار بالاعا 43 407 تەڭگە مولشەرىندەگى قارجىلاي كومەك اتا-انالاردىڭ نەمەسە قامقورشى ەسەبىندەگى ادامداردىڭ شوتىنا تىكەلەي اۋدارىلادى. وسىنى جۇزەگە اسىرۋ ماقساتىندا اتا-انالار مەن الەۋمەتتىك پەداگوگتەرگە اقپاراتتىق-ءتۇسىندىرۋ جۇ­مىسى جۇرگىزىلىپ, وقۋشى­لار­دىڭ ءتىزىمى مەن وتباسىلاردىڭ الەۋمەتتىك ساناتىن راستايتىن قۇجاتتار جيناقتالدى.

اباي وبلىسى ءبىلىم باسقار­ماسىنىڭ ۇسىنعان دەرەگىنشە, «Arzan-mix-Semey» كەڭسە تاۋارلارى دۇكەنىنىڭ دەمەۋشىلىگىمەن سەمەي قالاسىنداعى 100 وقۋشىعا وقۋ قۇرالدارى, ونىڭ ىشىندە باسقا كەرەك-جاراقتارى بار مەكتەپ سومكەسى بەرىلدى. سونىمەن بىرگە وبلىس ورتالىعىندا اتال­­عان اكتسيا شەڭبەرىندە ءار اپتا­نىڭ دەمالىس كۇندەرى مەكتەپ جار­مەڭ­كەسى وتەدى. جارمەڭكەدە وقۋشىلارعا ارنالعان مەكتەپ كيىمدەرى مەن وقۋ قۇرالدارى نا­رىقتىق باعادان ايتارلىق­تاي تومەن ساتىلادى. سونداي-اق «مەكتەپكە جول» اكتسياسى وبلىس ورتالىعىنان بولەك, اۋدان ور­تالىقتارى مەن شالعاي اۋىل­داردا دا جالعاسىپ جاتىر. ماسەلەن, بەسقاراعاي, جارما, ءۇرجار اۋداندارىندا جاڭا وقۋ جىلى قارساڭىندا از قام­تىلعان وتباسىلاردىڭ بالالارىنا قاجەتتى وقۋ قۇرالدارى مەن مەكتەپ سومكەلەرى تابىستال­دى. ايتالىق, بەسقاراعاي اۋدانىندا «قازاقستانداعى ادۆەنتيس­تىك كومەك جانە دامۋ اگەنتتىگى» قا­يىرىمدىلىق قورىنىڭ جەتەك­شىسى ۆ.ميحايلوۆ پەن «بىرلىك» قوعامدىق ۇيىمىنىڭ باسشىسى س.اۋباكىروۆا 253 وقۋشىنى مەكتەپكە قاجەتتى وقۋ قۇرالدارىمەن قامتاماسىز ەتىپ, 3 822 700 تەڭگە كولەمىندە كومەك كورسەتتى.

ال جارما اۋدانىنداعى «با­قىرشىق كەن ءوندىرۋ كاسىپور­نى» جشس باس ديرەكتورى ك.يساەۆ 194 وقۋشىعا 1 194 928 تەڭگە كو­لەمىندە قارجىلاي قولداۋ كور­سەتسە, ءۇرجار اۋدانىنداعى «MED365» كومپانياسىنىڭ دي­رەك­تورى ش.قۇلاحمەتوۆ وتىزعا تار­تا الەۋمەتتىك از قامتىلعان جانە كوپبالالى وتباسىنىڭ بالا­لارىنا جالپى سوماسى 450 000 تەڭگە كولەمىندە وقۋ قۇرالدارىن الىپ بەردى.

سونداي-اق ءۇرجار مەن ماقان­شى اۋداندارىندا مەكتەپ جار­مەڭكەسى ۇيىمداستىرىلىپ, جەر­گىلىكتى كاسىپكەرلەر وقۋشىلارعا ارنالعان مەكتەپ فورمالارى مەن وقۋ قۇرالدارىن قولجەتىمدى باعادا ۇسىندى.

اباي وبلىسى