قازاقستاندىق كومپانيا جەڭىمپاز اتاندى

بۋداپەشت قالاسىندا ماجار­ستان پرەزيدەنتىنىڭ قول­داۋىمەن ەۋروپالىق ساپا ۇيىمى (The European Organisation for Quality) ۇيىمداستىرعان «ساپا يننوۆاتسيالارى – 2014» بايقاۋىنىڭ جەڭىمپازدارىن ماراپاتتاۋ سالتاناتى ءوتتى. «الەۋەتتى يننوۆاتسيالار» نوميناتسياسىندا قازاقستاندىق «ۇلتتىق عىلىمي مەديتسينالىق ورتالىعى» اق جوعارى قارقىندى ۋلترادىبىسپەن ەمدەۋ تەحنولوگياسىن (HighIntensity Focused Ultrasound) ەنگىزگەنى ءۇشىن جەڭىم­پاز اتاندى. بۇگىنگى تاڭدا بۇل قاتەرلى ىسىك وشاعىن جويۋدا ينۆازيۆتىك ەمەس ءتاسىلدىڭ جالعىز ءتۇرى بولىپ تابىلادى, ياعني ەمدەۋ شارالارى بارىسىندا تەرى بەتىنىڭ تۇتاستىعى ب ۇلىنبەيدى. ەۋروپالىق ساپا جۇلدەسى بيزنەس ۇدەرىستەردى باسقارۋ جۇيەسىن جانە جۇمىس ساپاسىن جاقسارتۋ ءۇشىن بەرىلەتىن ەۋروپالىق بەدەلدى سىي بولىپ تابىلادى. جۇلدەنى ورتالىقتىڭ باس ديرەكتورى, مەديتسينا عىلىمدارى­نىڭ دوكتورى, پروفەسسور اباي بايگەنجين قابىلداپ الدى. مارا­پاتتاۋ سالتاناتىنا قا­زاقستان رەسپۋبليكاسىنىڭ ماجار­ستانداعى توتەنشە جانە وكىلەتتى ەلشىسى نۇرباح رۇستەموۆ قاتىستى. «ەگەمەن-اقپارات».