فوتو: ۇلتتىق ۇلان
«2023 جىلعى 4 جەلتوقساندا ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ اسكەري بولىمىندە قىزمەت وتكەرىپ جاتقان قاتارداعى جاۋىنگەر ەربايان مۇحتار باسىن اۋىر جاراقاتتاپ الدى. بۇل فاكت بويىنشا, بۇرىن باياندالعانداي, قىلمىستىق ءىس قوزعالدى, ونى ىشكى ىستەر مينيسترلىگىنىڭ اسكەري-تەرگەۋ دەپارتامەنتى تەرگەپ جاتىر. تەرگەۋ بارىسى باس اسكەري پروكۋراتۋرانىڭ قاداعالاۋىندا», دەدى گەنەرال.
سونداي-اق ول ۇلتتىق ۇلان باس قولباسشىلىعىنىڭ اسكەري-مەديتسينالىق باسقارماسى قاتارداعى مۇحتارعا جان-جاقتى قولداۋ كورسەتىپ جاتقانىن ايتتى. ونىڭ ايتۋىنشا جاۋىنگەرگە وتەماقى تولەنىپ, رەسەي مەن تۇركيانىڭ جەتەكشى كلينيكالارىندا ودان ءارى ەمدەۋ بويىنشا جۇمىستار ۇيىمداستىرىلعان.
ء«بىز ۇنەمى قاجەتتى قولداۋ مەن كومەك كورسەتۋ ارقىلى زارداپ شەككەن ادامنىڭ وتباسىمەن بايلانىسىپ وتىرمىز. سىزدەردەن رەسمي جانە سەنىمدى كوزدەردەن الىنعان اقپاراتقا سەنۋلەرىڭىزدى سۇرايمىز», دەلىنگەن ۇندەۋدە.
