فوتو: Pixabay
كامەلەتكە تولماعان بالا ءتىسىن ەمدەتكەن كۇنى-اق, ءوزىن ناشار سەزىنىپ, جاق سۇيەگى ىسىنە باستاعان.
كەيىننەن وبلىستىق كوپسالالى اۋرۋحانادا «سول جاق تومەنگى جاقتىڭ جەدەل ءىرىڭدى ودونتوگەندى فلەگموناسى, 7,5 ءتىسىن جۇلعانداعى جاعدايى» دياگنوزى قويىلىپ, ەكى رەت وپەراتسيا جاسالعان.
6 ايدان كەيىن بالانىڭ جاق سۇيەگى قايتا ءىسىپ, الماتىدا اقىلى تۇردە ەم-شارا الۋىنا تۋرا كەلگەن.
جابىرلەنۋشى بالانىڭ اناسى شاعىمدانعان سوڭ, مەديتسينالىق جانە فارماتسەۆتيكالىق باقىلاۋ دەپارتامەنتى تەكسەرۋ جۇرگىزىپ, ناتيجەسىندە باستاپقىدا كلينيكالىق دياگنوستيكا جانە ەمدەۋ حاتتاماسى ساقتالماعانىن انىقتاعان.
ودان كەيىن جابىرلەنۋشى تاراپ, مورالدىق, ماتەريالدىق شىعىن ءوندىرۋ ماقساتىندا سوتقا ارىزدانعان. ارىزدا بالانىڭ دەنساۋلىعىنا كەلتىرىلگەن زالالدان ەكى جىل بويى ۇيىقتاي الماي, مۇگەدەك بولىپ قالعانى جازىلعان.
قازىرگى تاڭدا سوت ستوماتولوگيالىق ەمحانادان 1,5 ميلليون تەڭگەدەن استام وتەماقى ءوندىردى.
