قازىرگى تاڭدا اتالعان اۋىلدارعا گاز قۇبىرلارىن تارتۋ جۇمىستارى باستالدى. اتالعان گاز قۇبىرى قۇرىلىسى ماستەك جەرىندەگى گاز تاراتۋ پۋنكتىنەن (گرپ) باستاۋ الادى. تارتىلاتىن گاز قۇبىرىنىڭ جالپى ۇزىندىعى 50 شاقىرىم, جۇمىستىڭ قۇنى 1 ملرد 111 ملن تەڭگە, ونىڭ ىشىندە 992 ملن تەڭگە رەسپۋبليكالىق بيۋدجەتتەن ءبولىندى.
«جۇمىستى مەردىگەر «سمك-4» جاۋاپكەرشىلىگى شەكتەۋلى سەرىكتەستىگى مەكەمەسى جۇرگىزىپ جاتىر. بۇگىنگى تاڭدا 12 شاقىرىم جەراستى شۇڭقىرى قازىلىپ, 5,2 شاقىرىم تۇربا قۇبىرى كومىلگەن. قارجى تولىق بولىنگەندە جۇمىستى ۋاقىتىلى اياقتايتىن بولامىز, دەيدى «سمك-4» جاۋاپكەرشىلىگى شەكتەۋلى سەرىكتەستىگى كومپانياسى ديرەكتورىنىڭ ورىنباسارى ايدار قۇرىمباەۆ.
جالپى, ماڭعىستاۋ اۋدانىنداعى گاز قۇبىرى 971 شاقىرىمدى قۇرايدى. «سمك-4» سەرىكتەستىگى بىلتىر باستاعان وتپان اۋىلدىق وكرۋگىنە قاراستى 15 بەكەتكە 28 شاقىرىم گاز قۇبىرىن جۇرگىزۋ جۇمىسى جاقىندا اياقتالادى. بۇل جۇمىستار اياقتالعان سوڭ اۋدانعا تولىق گاز بەرۋ جۇمىسى مارەسىنە جەتەدى.
كوگىلدىر وتىننىڭ كەلۋى ەندى تيگەندىكتەر بۇرىن ەگىن ەگۋگە قولدانعان سۋلى, نۋلى اۋماقتاردا جىلىجايلار سالىپ, ءونىم وندىرۋگە مۇمكىندىك بەرەتىن بولادى.
ماڭعىستاۋ وبلىسى
