قۇرساقتا جاسالعان وپەراتسيا

كەيىنگى جىلدارى مەملەكەت انا مەن بالا دەنساۋلىعى­نا كوپتەپ كوڭىل بولە باستادى. نەبىر ەمى كۇردەلى اۋرۋلارمەن الىسقان انالار بالاسىن با­ۋىرىنا باستى. قۇرساقتاعى بالانىڭ دا ءتۋابىتتى اۋرۋلارىن انىقتاپ, ءتىپتى تۋعانعا دە­يىن دە وپەراتسيا كورگەن نا­رەس­­تەلەر بار. پاتولوگياسى بار بالا­لار جەرگىلىكتى اۋرۋحا­نا­­لاردا ەمەس, ءىرى ورتالىق­تار­دا دۇنيەگە كەلەدى. بۇل جول­عى ءۇش وپەراتسيانى ورتا­لىق دارىگەرلەرى مينسك رەسپۋب­ليكالىق عىلىمي-تاجىريبە­لىك «انا مەن بالا» ور­تا­لىعى فەتالدى مە­دي­تسينا بولىم­شەسىنىڭ مەڭ­گە­رۋشىسىمەن بىرگە جاساعان. ناۋ­قاس­تار, ياعني ءۇش جۇكتى ايەل ال­ماتى وب­لى­سىنان, قالانىڭ وزى­نەن جانە اقمولا وبلىسىنان كەلىپتى.

وپەراتسيا بارىسىندا دارى­­گەرلەر «فەتو-فەتالدى ترانسفۋزيا سيندرومىنان (ففتس) اسقىناتىن كوپۇرىق­تى جۇكتىلىك كەزىندەگى بالا­نىڭ جولداسى اناستوموزىنىڭ لازەرلى كواگۋلياتسياسى» دەپ اتالاتىن ءتاسىلدى قولدانعان. بۇل ءادىس – ۇرىقتار اراسىنداعى تامىرلاردىڭ پاتولوگيالىق بىرىگۋىن جويۋعا كومەكتەسەدى. ەسەسىنە قاتتى اسقىنۋدىڭ الدىن الىپ, ەگىزدەردىڭ ءومىرىن ساقتاۋعا مۇمكىندىك تۋادى. دارىگەرلەر يەك ارتقان ەكىنشى ءادىس «شارانا سۇيىقتىعى پاتولوگياسى بولعان جاعدايداعى امنيورەدۋكتسيا جانە امنيو­ينفۋزيا» دەپ اتالادى. بۇل پرو­تسەدۋرالار ۇرىقتىڭ دا­­مۋىنا قولايلى جاعداي جا­­سايدى. اسقىنۋ قاۋپىن ازاي­تا وتىرىپ, شارانا سۇيىق­تى­عى مولشەرىن رەتتەۋگە كو­مەك­تەسەدى. ءۇشىنشى ءادىس – «ۇرىق­تىڭ بۇيرەك پاتولوگياسى بول­عاندا قۋىقتى ­درەناجداۋ». بۇل وپەراتسيا ۇرىق­تا نەسەپ ايداۋ جۇيە­سى­نىڭ دۇرىس جۇمىس ىستەۋىن قام­تا­ماسىز ەتەدى. ءارى ونىڭ دۇرىس دامۋ مۇمكىندى­گىن جاق­سار­تا وتىرىپ, بۇيرەك جەتىس­پەۋشىلىگى اسقىنۋىنىڭ الدىن الادى.

دارىگەرلەر دەن قويعان ءۇش وپەراتسيا دا ءساتتى جاسالدى. ناۋقاستاردىڭ جاعدايى ءدال قا­زىرگى ساتتە تۇراقتى. ما­ماندار ولاردىڭ جۇكتىلىك كە­زىن­دەگى دەنساۋلىعىن, ۇرىق­تىڭ ودان ءارى دۇرىس دامۋىن ءجىتى قاداعالايدى.

بۇل وپەراتسيالار دەن­ساۋلىق ساقتاۋ مينيسترلىگى قول­عا العان «فەتالدى مەديتسينا» جوباسى ارقىلى ىسكە اسىپتى. ەندى ەلدەگى اقجاۋلىقتىلار الەم­دىك ستاندارتتارعا ساي كە­لە­تىن جوعارى تەحنولوگيالىق كو­مەكتى تەگىن الىپ, دۇنيەگە دەنى ساۋ بالا اكەلۋ مۇمكىن­دىگىن ايتارلىقتاي ارتادى دەپ ويلايمىز. قورىتا كەلە, جوبا­نىڭ وزىق مەديتسينالىق تەحنولوگيالارعا قولجە­تىم­دى­لىكتى ۇلعايتۋعا جانە جۇك­تى ايەلدەردىڭ بوسانار الدىن­داعى كومەك دەڭگەيىن جاق­سارتۋعا باعىتتالعانىن دا ايتا كەتكەنىمىز ءجون بولار.